Homielski vajenkamat raskazaŭ, jak buduć vyhladać SMS-pozvy
Prykłady SMS-apaviaščeńnia vajennaabaviazanych raspracavali ŭ Biełarusi. Pra heta daviedaŭsia Fłahštok z tendaru, abvieščanaha vajskovym kamisaryjatam Homielskaj vobłaści.
Da apublikavanaj na elektronnaj handlovaj placoŭcy zakupki «zabieśpiačeńnie apaviaščeńnia abanientaŭ sietak sotavaj ruchomaj elektrasuviazi z dapamohaj nakiravańnia SMS-paviedamleńnia» na sumu adna tysiača rubloŭ prymacavany dakumient za podpisam vajenkama Andreja Kryvanosava.
U im havorycca, što aryjencirovačnyja terminy ažyćciaŭleńnia zakupki — luty—sakavik 2024 hoda. A ŭ samym tendary pakazany termin pastaŭki — z 1 krasavika pa 31 śniežnia 2024 hoda.
Taksama apublikavanyja patrabavańni da pasłuhi. SMS ad vajenkamata pavinny być nakiravany ŭ troch vypadkach:
- z metaj udakładnieńnia źviestak voinskaha ŭliku,
- dla mierapryjemstvaŭ mabilizacyjnaj padrychtoŭki (na vajennyja zbory),
- pry pryzyvie hramadzian na vajennuju słužbu pa mabilizacyi (u vypadku viadzieńnia vajennych dziejańniaŭ).
U apošnim vypadku tekst SMS budzie vyhladać tak.
«Vam naležyć nieadkładna źjavicca pa adrasie, ukazanym u mabilizacyjnym zahadzie (u vajskovy kamisaryjat)».
U kancy lutaha Pałata pradstaŭnikoŭ pryniała ŭ druhim čytańni papraŭki ŭ zakony pa pytańniach nacbiaśpieki. Ciapier sotavyja apieratary abaviazany pradastaŭlać vajenkamatam i abłasnym upraŭleńniam KDB telefonnyja numary vajennaabaviazanych.
Tak moža vyhladać SMS-pozva ŭ adpaviednaści z danymi dziaržzakupki (vizualizacyja Fłahštoka)
Heta zroblena, kab vysyłać SMS-pozvy. Takija paviedamleńni buduć ličycca aficyjnym paviedamleńniem. U adpaviednaści z zakonam, pravavyja nastupstvy ŭźnikajuć z momantu dastaŭki paviedamleńnia.
Čytajcie taksama:
Parłamient pryniaŭ zakon ab paviestkach u armiju praz SMS
Malcaŭ, Žadobin, Raŭkoŭ. Jak skłaŭsia los ministraŭ abarony Biełarusi
