Balerynu Iłze Lijepu pazbavili hramadzianstva Litvy
Prezident Litvy Hitanas Naŭsieda pazbaviŭ pradstaŭlenaha ŭ paradku vyklučeńnia litoŭskaha hramadzianstva balerynu Iłze Lijepu, pieradaje LRT.
Iłze Lijepa. Skryn videa
Lijepa źviarnułasia pa hramadzianstva Litvy (u jaje taksama jość rasiejskaje) u 2000 hodzie. Tady jana vystupała ź litoŭskim artystam Piatrasam Skirmantasam. Jaje chadajnictva zadavolili i ŭručyli pašpart.
Inicyjatyva pazbavić balerynu hramadzianstva ŭźnikła paśla taho, jak Lijepa, jakaja maje litoŭskaje i rasijskaje hramadzianstva, u intervju rasijskim ŚMI asudziła pavodziny krain Bałtyi i vykazała padtrymku vajnie prezidenta Rasii Uładzimira Pucina va Ukrainie.
Zhodna z Zakonam ab hramadzianstvie, asoba pazbaŭlajecca hramadzianstva Litvy, nabytaha ŭ paradku vyklučeńnia, kali svaimi dziejańniami stavić pad pahrozu intaresy biaśpieki Litvy abo publična vykazvaje padtrymku dziaržavie, jakaja stavić pad pahrozu intaresy biaśpieki Litvy.
U adpaviednaści z hetym pałažeńniem Naŭsieda ŭ vieraśni 2023 hoda pazbaviŭ litoŭskaha hramadzianstva fihurystku Marharytu Drabiazka, jakaja razam z mužam Paviłasam Vanahasam udzielničała ŭ prajektach, arhanizavanych Taćcianaj Naŭkaj, žonkaj pres-sakratara prezidenta Rasii.
Čytajcie taksama:
Zbornaja Litvy nie choča hulać ź biełaruskami ŭ futboł. I navat zhodnaja na dźvie techničnyja parazy
Sajuźniki Ukrainy naźbirali hrošaj na 800 tysiač snaradaŭ
U biełarusa, jaki nahavaryŭ usiakaha na Litvu, zabrali dazvoł na žycharstva
