Za Marš asudzili muža i žonku: ich zatrymali, kali jany vyjazdžali ź Biełarusi ŭ hości da dziaciej
9 lutaha vyniesieny prysud mužu i žoncy Mikałaju i Inie Šlažko, jakich zatrymali na vyjeździe ź Biełarusi, kali jany jechali ŭ hości da dziaciej. Im prysudzili pa dva z pałovaj hady abmiežavańnia voli biez nakiravańnia ŭ PUAT («chatniaj chimii»), piša «Viasna».
Vyrak ahučyła sudździa Volha Jemieljančanka ŭ sudzie Savieckaha rajona Minska. Jana pryznała muža i žonku vinavatymi pavodle art. 342 KK.
Pavodle abvinavačańniaŭ, Mikałaj i Ina ŭziali ŭdzieł u adnym ź minskich maršaŭ u 2020-m hodzie. Muž i žonka pryznali vinu. Mužčyna paćvierdziŭ, što jany vychodzili na prajeznuju častku darohi.
Dokazam pa spravie byli fotazdymki na telefonie, na jakich muž i žonka znachodzilisia na prajeznaj častcy padčas mirnaha schodu.
Čytajcie taksama:
Žychar Pružanaŭ vykazaŭsia ŭ balnicy pra Łukašenku i pajechaŭ na «chimiju»
U Baranavičach pa «narodnym» artykule sudziać adrazu vaśmiarych čałaviek
Eks-palitviazień Dzima Hopta: Zaŭždy bajaŭsia ŭ kałonii, kab mianie nie pačali bić
