U akupavanym Biardziansku padarvali miascovuju kałabarantku
U akupavanym Rasijaj Biardziansku na terytoryi Zaparožskaj vobłaści padarvali mašynu, u jakoj znachodziłasia žančyna, uklučanaja ŭ vybarčuju kamisiju padčas ciapierašnich prezidenckich vybaraŭ u Rasii, jakija pravodziacca i na akupavanych terytoryjach.
Skrynšot ź videa
«6 sakavika 2024 hoda ŭ časova akupavanym Biardziansku była likvidavanaja kałabarantka Samojlenka Śviatłana Uładzimiraŭna, jakaja arhanizoŭvała psieŭdavybary Pucina na akupavanych terytoryjach Zaparožskaj vobłaści», — zajaviła Hałoŭnaje ŭpraŭleńnie raźviedki Ministerstva abarony Ukrainy.
Pavodle źviestak HUR, paśla zachopu Biardzianska ŭ 2022 hodzie žančyna «dobraachvotna pajšła na supracoŭnictva» z akupantami i pracavała ŭ rasijskaj akupacyjnaj administracyi. Paśla jaje pryznačyli «namieśnikam mera pa pytańniach ekanomiki, ahrasiektara i finansaŭ» u Biardziansku.
Suprać Samojlenki była adkrytaja kryminalnaja sprava pavodle artykuła ab dziaržaŭnaj zdradzie.
«U ramkach padrychtoŭki da psieŭdavybaraŭ Pucina Śviatłana Samojlenka imknułasia vysłužycca pierad maskavitami: zapałochvała i teraryzavała biardziancaŭ, prymušajučy ich udzielničać u niezakonnym fejkavym hałasavańni», — dadali ŭ HUR.
Raniej 6 sakavika kiraŭnica Biardzianskaj haradskoj vajskovaj administracyi Viktoryja Halicyna, a taksama pradstaŭniki akupacyjnych orhanaŭ Rasii paviedamili pra padryŭ u horadzie aŭtamabila. Ad atrymanych traŭmaŭ žančyna, jakaja znachodziłasia ŭ im, pamierła.
Horad Biardziansk i Biardzianski rajon rasijskija vojski akupavali ŭ kancy lutaha 2022 hoda.
Čytajcie taksama:
U Łuhansku padarvali mašynu ź miascovym «deputatam»
SBU likvidavała charkaŭskaha kałabaranta, jaki ŭciok u Rasiju — miedyja