Chutkasnuju čyhunačnuju mahistral z Maskvy ŭ Minsk kali i prakładuć, to vielmi niachutka
«Rasijskija čyhunki» vyznačylisia, kudy i kali buduć prakładać vysakachutkasnyja mahistrali, pra jakija ŭ svaim pasłańni parłamientu niadaŭna havaryŭ navat sam Uładzimir Pucin. Pieršaj buduć vieści trasu Maskva — Sankt-Pieciarburh, a potym u paradku čarhovaści — Maskva — Jekaciarynburh, Maskva — Adler, Maskva — Minsk i Maskva — Razań. Heta vynikaje z prezientacyi pieršaha namieśnika hienieralnaha dyrektara «Rasijskich čyhunak» Siarhieja Kobzieva, piša RBK.
Adnosna terminaŭ Kobzieŭ nie vyklučyŭ, što «dzieści da kanca 2028-2029 hadoŭ» užo možna budzie pajechać u Sankt-Pieciarburh pieršym rasijskim vysakachutkasnym ciahnikom.
Ale kuplać jaho ŭ niekaha rasiejcy nie chočuć, a mieracca zbudavać sami. Tamu terminy mohuć zaciahnucca i kudy dalej. Da minskaha ž kirunku ruki dojduć dobra kali ŭ nastupnym dziesiacihodździ.
Čytajcie taksama:
U svaim zvarocie Pucin uzhadaŭ Biełaruś tolki adnojčy. I kantekst vam nie spadabajecca
Ź Minska chočuć zapuścić ciahnik u Maskvu z chutkaściu da 400 km/h. Što nie tak z prajektam?
