Za DTZ z maršrutkaj pad Smalavičami buduć sudzić inžyniera «Minabłaŭtatransa»
Paśla razhladu kryminalnaj spravy ŭ dačynieńni da kiroŭcy samazvała, asudžanaha da 7 hadoŭ pazbaŭleńnia voli, Hienieralnaja prakuratura nakiravała ŭ sud kryminalnuju spravu ŭ dačynieńni da hałoŭnaha inžyniera adnaho ź filijałaŭ AAT «Minabłaŭtatrans» — jamu inkryminavali słužbovuju chałatnaść, jakaja paciahnuła pa nieaściarožnaści śmierć čałavieka i inšyja ciažkija nastupstvy.
Zhodna z materyjałami spravy, hałoŭny inžynier praciahły čas nie rabiŭ naležnych mier i zachadaŭ pa kantroli za zachoŭvańniem i techničnym stanam hruzavoha aŭtamabila, tym samym dapuściŭ vychad na liniju 20 lutaha 2023 hoda MAZa ź niaspraŭnaściu chadavoj častki.
Pavodle prakuratury, heta pryviało da sutyknieńnia samazvała z pasažyrskim aŭtobusam. U DTZ zahinuli 13 čałaviek, 7 čałaviek atrymali ciažkija cialesnyja paškodžańni.
Čytajcie taksama:
U Žodzinie aŭtobus źnios pomnik
Akcioru Michaiłu Jafremavu ŭchvalili ŭmoŭna-daterminovaje vyzvaleńnie
