Sietka «Miła» nie adnaviła internet-kramu ŭ pryznačany termin
Internet-krama sietki kaśmietyki i parfumieryi «Miła», jakaja pavinna była adnavić pracu 1 sakavika, zastaniecca «zakrytaj» jašče na try miesiacy — da 31 traŭnia. Pra heta paviedamili na sajcie kampanii.
U studzieni 2024 hoda «Miła» ŭžo prypyniała pracu svajoj internet-kramy. Tady adznačałasia, što heta źviazana z techničnymi pryčynami. Paŭza pavinna była praciahnucca da 1 sakavika. Ale ciapier na sajcie rytejlera źjaviłasia novaje paviedamleńnie, u jakim skazana, što internet-krama nie budzie pracavać da 31 traŭnia — usio pa tych ža techničnych pryčynach.
U kampanii dadali, što ŭsia infarmacyja na sajcie nosić tolki daviedačny charaktar — tavar možna pahladzieć, ale nielha kupić. Adzinaje, što pa-raniejšamu dazvolać nabyć, — heta elektronnyja padarunkavyja siertyfikaty.
Čytajcie taksama:
Na kramy «Miła» nakinulisia za rekłamu ź Pierlinym
U Biełaruś prychodzić kankurent «Vostrava čyścini» i «Miły»
Jakich impartnych tavaraŭ bolš za ŭsio nie chapaje biełarusam?
