U Čerykavie chłopčyk vypiŭ «kampotu», a tam akazałasia zusim inšaje
Piacihadovy chłopčyk u Čerykavie na Mahiloŭščynie zamiest kampotu vypiŭ ačyščalnik ruchavika i ciapier znachodzicca ŭ reanimacyi miascovaj balnicy. Pra heta paviedamiŭ telehram-kanał Śledčaha kamiteta.
Incydent adbyŭsia dniom 1 sakavika. Paviedamlajecca, što dzicia pajšło razam ź dziedam u haraž, dzie piensijanier ramantavaŭ svoj aŭtamabil. Pakul dziadula ahladaŭ aŭto pad kapotam, unuk uziaŭ u mašynie płastykavuju butelku z ružovaj vadkaściu i zrabiŭ ź jaje niekalki hłytkoŭ.
Na žal, u hetaj butelcy znachodziŭsia taksičny ačyščalnik ruchavika, a dzicia ŭviało ŭ zman toje, što ŭ vonkava padobnaj butelcy ŭ sałonie aŭto znachodziŭsia višniovy kampot.
Ciapier chłopčyk znachodzicca ŭ balnicy, ale žyćciu dziciaci ŭžo, jak paviedamlajecca, ničoha nie pahražaje.
Čytajcie taksama:
U Rasii mužčyna kupiŭ minierałki, adpiŭ hłytok i pamior
U Biarozaŭskim rajonie piensijanierka atruciłasia apieńkami. Jak tak stałasia?
Biełarus pajeŭ chatnich marynavanych ahurkoŭ z pamidorami i ledź nie pamior
