U 2023 hodzie prytułku ŭ Jeŭropie paprasili bolš za 5,6 tys. biełarusaŭ
U 2023 hodzie mihracyjnyja ŭłady 27 krain Jeŭrasajuza, a taksama Šviejcaryi i Narviehii, razhledzieli 4 299 zajavak ad biełarusaŭ. Padadziena ž takich zajavak było bolš za 5,6 tys., ź ich amal 5,2 tys. čałaviek zrabili heta ŭpieršyniu. Takija ličby pryvodzić ahienctva ES pa pytańniach prytułku.
Fota: Tatiana Skulbedina / vecteezy.com
Stanoŭčyja rašeńni pa biełaruskich zajaŭkach byli vyniesienyja ŭ 81% vypadkaŭ. Takim čynam, prytułak u Jeŭrasajuzie ŭ 2023 hodzie atrymali 3 482 našyja suajčyńniki.
Čaściej za ŭsio biełarusy źviartalisia pa mižnarodnuju abaronu da ŭładaŭ Polščy, Hiermanii i Litvy. Paśla 2020 hoda kolkaść biełarusaŭ, jakija źviartajucca pa status uciekača, vyrasła ŭ razy: u 2019-m kolkaść pieršych zajavak na prytułak nie pieravyšała tysiačy, u 2023-m jana ŭpieršyniu dasiahnuła 5 tysiač.
Ahułam za 2023 hod prasili jeŭrapiejskija krainy dać im prytułak 1,14 młn čałaviek. Heta na 18% bolš, čym u 2022 hodzie. Najbolšaja kolkaść zvarotaŭ było padadziena ŭ Hiermanii — 334 tys., pry hetym u siarednim, tolki 43% hetych zajavak było zadavolena. Tym nie mienš, heta samy vysoki pakazčyk za apošnija siem hadoŭ.
Čytajcie taksama:
U 2023 hodzie biełaruski naradzili ŭ Polščy 775 dziaciej
Biełarusy raskazali, jak źmianiłasia ich žyćcio paśla atrymańnia druhoha hramadzianstva
