Ź minskich deputataŭ Pałaty najmienšuju padtrymku namalavali Špakoŭskamu — šmat LIČBAŬ
Admietnaść vybaraŭ u Pałatu pradstaŭnikoŭ pa minskich akruhach u tym, što budučym deputatam tradycyjna malujuć davoli nizkuju padtrymku, prynamsi mienšuju, čym u inšych rehijonach. Šmat u kožnaha z pryznačanych staličnych pieramožcaŭ jana krucicca vakoł 50%, a časam i apuskajecca nižej.
Alaksandr Špakoŭski
Adna z pryčyn u tym, što ŭ Minsku zvyčajna vyłučajecca bolš za dva kandydaty, tamu ahulnyja 100% treba raskinuć na ŭsich pretendentaŭ.
Adnak u vyniku, z ulikam nizkaj jaŭki ŭ stalicy, atrymlivajecca, što za deputataŭ-«pieramožcaŭ» prahałasavała tolki tracina ad žycharoŭ akruhi.
Raniej takoje praktykavali ŭ adnosinach pryznačanych apazicyjnych kandydataŭ, kab prademanstravać im ich niahiehłaść. Naprykład, Hańnie Kanapackaj u 2016 hodzie napisali 24%, a Alenie Anisim — 41%.
Ciapier najmienšuju padtrymku zapisali prapahandystu Alaksandru Špakoŭskamu (46,7%). Heta 29% ad ahulnaj kolkaści vybarcaŭ pa jaho akruzie.
Kolki pracentaŭ biuleteniaŭ namalavali deputatam ad Minska?
Paŭnočnaja akruha №91. Dźmitryj Šaŭcoŭ, hienieralny sakratar Biełaruskaha Čyrvonaha Kryža — 56,67%
Mašynabudaŭničaja akruha №92. Hienadź Lapieška, načalnik Vajskovaj akademii — 54,34%.
Vaśniacoŭskaja akruha №93. Siarhiej Račkoŭ, člen Savieta Respubliki — 58,97%
Kupałaŭskaja akruha №94. Ihar Paškoŭ, načalnik štaba Ministerstva ŭnutranych spraŭ — 48,36%
Śvisłackaja akruha №95. Alaksandr Špakoŭski, daradca-pasłańnik Ministerstva zamiežnych spraŭ — 46,67%
Kastryčnickaja akruha №96. Siarhiej Kliševič, deputat — 58,25%
Čkałaŭskaja akruha №97. Viačasłaŭ Daniłovič, rektar Akademii kiravańnia — 54,07%
Dziaržynskaja akruha №98. Nastaśsia Mirončyk-Ivanova, lohkaatletka — 51,40%
Jasieninskaja akruha №99. Rusłan Čarniecki, artyst Teatra imia Horkaha — 48,46%
Paŭdniovazachodniaja akruha №100. Alaksandr Barsukoŭ, pamočnik Łukašenki pa Minsku — 58,14%
Zachodniaja akruha №101. Maryna Lančeŭskaja, deputatka — 53,54%
Kamiennahorskaja akruha №102. Michaił Mirončyk, dyrektar Departamienta kantrolu jakaści adukacyi Ministerstva adukacyi — 53,25%
Kalvaryjskaja akruha №103. Vasil Panasiuk, deputat — 54,86%
Łyńkoŭskaja akruha №104. Anžalika Kurčak, pres-sakratarka Hienieralnaj prakuratury — 49,43%
Staravilenskaja akruha №105. Vadzim Ipataŭ, dyrektar Nacyjanalnaha centra zakanadaŭstva i pravavych daśledavańniaŭ — 49,79%
Kołasaŭskaja akruha №106. Mikałaj Buzin, pamočnik staršyni Pałaty pradstaŭnikoŭ — 52,02%
Uschodniaja akruha №107. Natalla Dziarhač, hałoŭnaja doktarka 34-j palikliniki — 53,70%
Pieršamajskaja akruha №108. Aleh Hajdukievič, deputat— 58,09%
Uručanskaja akruha №109. Ivan Hardziejčyk, deputat — 56,22%
Partyzanskaja akruha №110. Vadzim Hihin, dyrektar Nacyjanalnaj biblijateki — 53,35%.
Naturalna, hetyja ličby nie majuć ničoha ahulnaha z realnym hałasavańniem. Vybary byli sucelna sfalsifikavanyja, praŭdzivy ŭlik vybarcaŭ nie pravodziŭsia, nie kažučy pra spraviadlivy padlik biuleteniaŭ.
Čytajcie taksama:
Marzaluka ŭsio ž pryznačyli deputatam. Prahnoz «NN» na vybary spraŭdziŭsia na 97%
Jak falsifikujucca vybary ŭ Biełarusi. Siem etapaŭ padmanu
Hałasuj nie hałasuj. Spoviedź byłych deputataŭ pra toje, jak Łukašenka pryznačaŭ ich u parłamient
Biełpošta zaciata bambiła šmatkvaterniki darmovymi hazetami z prapahandaj, mo na kahości i paŭpłyvała... A što Vy zrabili dla jaje niejtralizacyi - damavyja-dvaravyja čaty, ulotki, ci chacia b prapahandu prybrali?