Dalnabojščyka abvinavačvali ŭ padryvie pietardy la vajennaj kałony, ale asudzili za ŭdzieł u ekstremisckim farmavańni
Minski haradski sud zaviaršyŭ 29 lutaha razhlad kryminalnaj spravy 50-hadovaha Andreja Buraka.
Pavodle śledstva, uviečary 11 maja 2023 hoda na aŭtadarozie M-5 «Minsk-Homiel» pablizu vioski Jasień pad Babrujskam, «kiroŭca aŭtamabila DAF, jaki prajazdžaŭ mima spynienaj vajennaj transpartnaj kałony, zrabiŭ padryŭ nieŭstanoŭlenaj pryłady, samastojna vyrablenaj ź piratechničnych vyrabaŭ, kinuŭšy jaho ŭ bok vajskoŭcaŭ i vajennaj techniki. A paśla pasprabavaŭ źjechać. Adnak u chodzie pieraśledu jahony aŭtamabil byŭ błakavany vajskoŭcami, a jon sam — zatrymany».
Siłaviki śćviardžajuć, što ŭ kabinie aŭtamabila była naleplenaja «ekstremisckaja» simvolika, a ŭ mabilnym telefonie — niekalki padpisak na radykalnyja kanały, pryznanyja ekstremisckimi, u tym liku i na płan «Pieramoha».
Zrazumieła, što nabor pietardaŭ nijakaj škody vajskoŭcam nie pryčyniŭ. Nalepki taksama pahrozy nie ŭjaŭlali, tym bolej, siarod ich byŭ i łoh hurta «Rammstein».
Viadoma taksama, što papiarednie mužčynu abvinavačvali tolki ŭ chulihanstvie, artykuł ab stvareńni ekstremisckaha farmavańnia źjaviŭsia padčas śledstva, a na sudzie ŭsio vyviernułasia naadvarot: zastaŭsia tolki ŭdzieł u ekstremisckim farmavańni.
Sud pryznaŭ Andreja Buraka vinavatym i pryznačyŭ jamu piać hadoŭ kałonii, piša «Viasna».
Čytajcie taksama:
U Minsku abłava na advakataŭ. Prychodzili da bolš čym 10 čałaviek
Rabotnika BMZ, jakoha abiacali adpuścić, prysudzili da hoda kałonii za raspalvańnie varožaści
