Maci Piatruchina: «Dzie tvoj zdradnik Kabanaŭ? Źjechaŭ?» — «Dyk i ja taksama zdradnik?» — «I ty taksama»
Aŭtar jutub-kanała «Narodny reparcior» Siarhiej Piatruchin u vypusku TOKu raskazaŭ, jak maci pastaviłasia da jaho dziejnaści i adjezdu za miažu.
Siarhiej Piatruchin. Skryn videa OK_talk / YouTube
Maci Siarhieja Piatruchina 86 hadoŭ. Siarhiej adznačaje, što mienavita jana jaho takim vychavała. «Jana pryščapiła mnie toje, što treba być spraviadlivym i sumlennym čałaviekam, i nikoli nie chłusić».
Adnosna taho, ci razumieła žančyna, čym zajmajecca jaje syn, što takoje błohierstva, čamu jaje syn patrapiŭ za kraty, Siarhiej adznačyŭ: «Dumaju, što da kanca nie [zrazumieła]. Kali heta ŭsio zdaryłasia, to jana vielmi pieražyvała, kab ja viarnuŭsia, kab mianie abniać».
Pry hetym, jak adznačaje Piatruchin, jaho maci da siońnia padtrymlivaje Łukašenku:
«Jana kaža: «Dzie tvoj zdradnik Kabanaŭ? Zjechaŭ?». Ja pytajusia, a čamu jon zdradnik? «Jon zdradziŭ našaj krainie». Ja pytajusia: «Dyk i ja taksama zdradnik?». Jana adkazvaje: «I ty taksama. Što vy tam na Łukašenku paleźli?»
Alaksandr Kabanaŭ
Na pytańnie, ci ciažka Siarhieju takoje čuć, jon adkazvaje: «Jana maja maci. Što ja zrablu? Kali ja siadzieŭ u turmie, jana ŭsio rabiła dla mianie. Što tut skažaš?»
Piatruchin raspavioŭ, što paviedamiŭ maci pra toje, što zjechaŭ. Ale nie viedaje, jak maci da hetaha adniesłasia: «Mahčyma, joj stała lahčej, što mianie niama pobač».
Hladzicie całkam:
Čytajcie taksama:
«Ja byŭ vatnikam». Novy TOK ź Siarhiejem Piatruchinym
Piatruchin pra siamiejnuju dramu padčas turmy: žonka źmianiła proźvišča sabie i synu
no mnie poviezło s mamoj.