«Zamach na maju siamju!» Ideołah z «Biełaj Rusi» prosić abaranić jaje ad Bondaravaj
Namieśnica staršyni hrodzienskaj abłasnoj arhanizacyi «Biełaja Ruś» Śviatłana Varanica, jakaja raniej vystupała suprać Bondaravaj i Azaronka, znoŭ nie zmahła zmaŭčać.
Namieśnica kiraŭnika «Biełaj Rusi» pa Hrodzienščynie Śviatłana Varanica pikietuje la hienkonsulstva Polščy ŭ Hrodnie, 13 lutaha 2023 hoda. Fota: «Hrodzienskaja praŭda»
Dniami danosčyca Volha Bondarava apublikavała prahramu, ź jakoj idzie ŭ deputaty Minharsavieta.
«Jak maci, ja budu zmahacca za dušy i rozumy kožnaha biełaruskaha dziciaci, imknučysia advieści ad našych dziaciej pahrozu razbeščvańnia i dehradacyi», — paabiacała jana.
Varanica takoj «zmaharcy» nie rada. Jana prosić nie dapuścić takoj samadziejnaści Bondaravaj.
«Pavažanaja baćkoŭskaja i piedahahičnaja hramadskaść! Vy davali zhodu na takuju «baraćbu» za dušy i rozumy kožnaha biełaruskaha dziciaci? U nas jość normy prava, praktyka, zvyčai, kab kožny, chto zachoča, staŭ raptam «zmahacca»?
Ja jak hramadzianin Respubliki Biełaruś i mama kateharyčna piareču, kab staronnija ludzi pa-za śfieraj svajoj kampietencyi i paŭnamoctvaŭ zmahalisia za dušu i rozum majho dziciaci. Lubuju sprobu takoj «baraćby» budu rasceńvać jak zamach na majo harantavanaje i achoŭvajemaje Kanstytucyjaj Respubliki Biełaruś prava na vychavańnie dziaciej, a taksama ŭmiašańnie ŭ spravy siamji», — napisała Varanica ŭ svaim kanale.
Zrešty, šancaŭ stać deputatam u Bondaravaj pakul niama. Pa jaje akruzie zarehistravanyja i kandydat-favaryt, i jaho sparynh-partnior. Vyhladaje, što Bondaravaj vydzielać tolki apošniaje miesca ŭ vynikovym pratakole.
Čytajcie taksama:
Kiraŭnica hrodzienskaj «Biełaj Rusi» patroliła Bondaravu
Biahun — Bondaravaj: Zabyłasia, jak vycokvała nabojkami z HUBAZiKa z vyhladam aba*ranaha janota?
Šanoŭnaja Śviatłana Ŭładzimiraŭna Varanica!
Ci vy nia viedali, što takoje tatalitaryzm? Heta mienavita taki ład, kali režym u vyhladzie Šarykavych-Bondaravych lezie da kožnaha ŭ łožak, dušu i rozum, a vašyja dzieci vam nie naležać. Jon nadychodzić nie adrazu, a pastupova. Tamu niamahčyma dziela dasiažnaści da karyta zastavacca doŭhija hady čynoŭnikam (u t.ł. idejołaham) dyktatara na poŭšyšački, a na astatnija poŭšyšački adčuvać sabie nie chałujkaj-maryjanietkaj, a kimści padobnym na asobu. I słovy "Ludźmi zvacca" - heta mienavita pra heta. Niemahčyma adnačasova pościć u svajoj inście tehi "#svoichNiebrosajem" u znak padtrymki ŭvarvańnia rasiejskaj impieryi va Ŭkrainu, i adnačasova identyfikavać sabie jak biełarusku i prychilnicu biełaruskaj niezaležnaści, a nie tutejšuju žycharku Paŭnočna-Zachodniaha kraja pad panavańniem rasiejkaha cara. Moža vy i maryli ab viartańni SSSR "z čałaviečym tvaram", jak kaliści Harbačoŭ, ale ž jon viartajecca ŭ samym miarzotnym abliččy zvarjaciełych Azaronkaŭ-Bondaravych dy raznastajnych Z-hiestapaŭcaŭ. I vyjście tut tolki adzinaje - vyśviatlić dla sabie, na čyim vy baku - čałaviečaj hodnaści albo zaćviłaha minułaha pad panavańniem karumpavanaj siamji ŭzurpatara.