Na «Hlinianaha Vialesa» pretendujuć Niaklajeŭ, Fiedarenka, Kaźko…

Paet Aleś Arkuš abviaściŭ śpis naminantaŭ na štohadovuju litaraturnuju premiju «Hliniany Viales».

Jak zvyčajna, u šort‑list trapiła piać knih. Na hety raz čatyry prazaičnych i tolki adna paetyčnaja.

Pretendentami źjaŭlajucca «Centr Jeŭropy» Uładzimira Niaklajeva, «Bunt niezapatrabavanaha prachu» Viktara Kaźko, «Ničyje» Andreja Fiedarenki i «Praŭdzivaja historyja Kacapa, Chachła i Bulbaša» Uładzisłava Achromienki i Maksima Klimkoviča i «Akno dla matylkoŭ» Michasia Skobły.

Na dumku Alesia Arkuša, sioletni śpis pretendentaŭ najmacniejšy ad 1993 hodu.

«Hliniany Viales» byŭ zasnavany Tavarystvam volnych litarataraŭ na pačatku 90‑ch jak procivaha zanadta tradycyjanalisckim hustam adboru na premii dziaržaŭnyja.

***

Śpis usich łaŭreataŭ «Hlinianaha Vialesa»;

1993. Ihar Babkoŭ — kniha «Solus Rex» (paezija);

1994. Ludka Silnova — kniha «Rysasłovy» (paezija);

1995. Aleś Razanaŭ — kniha «Palavańnie ŭ rajskaj dalinie» (paezija);

1996. Słavamir Adamovič — kniha «Kachańnie pad akupacyjaj» (paezija);

1997. Lavon Vaško — kniha «Paety‑cary» (proza);

1998. Uładzimier Arłoŭ — kniha «Božaja karoŭka ź Piataj avieniu» (eseistyka);

1999. Mikoła Papieka — kniha «Čarnaviki…» (paezija);

2000. Siarhiej Astraviec — kniha «Cenzarskija nažnicy» (proza);

2001. Viktar Ślinko — kniha «Štolni viasny» (paezija);

2002. Alhierd Bacharevič — kniha «Praktyčny dapamožnik pa rujnavańni haradoŭ» (proza);

2003. Piatro Vasiučenka — kniha «Žyli‑byli pany Kublicki dy Zabłocki» (proza);

2004. Alena Brava — kniha «Kamiendancki čas dla łastavak» (proza);

2005. Siarhiej Dubaviec — kniha «Vostraja Brama» (eseistyka);

2006. Valancin Akudovič — kniha «Dyjałohi z Boham» (eseistyka);

2007. Aleh Minkin — kniha «Pienaty» (paezija);

2008. Barys Piatrovič — kniha «Žyć nie strašna» (proza).

ZP

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH