Upieršyniu biełaruski brend adzieńnia voźmie ŭdzieł u New York Fashion Week
Zasnavalnica maładoha brenda žanočaha adzieńnia Maymont (jamu try hady) padzialiłasia ŭ instahramie navinoju ab udziele ŭ New York Fashion Week. Data pakazu — 9 lutaha. «Maymont staŭ pieršym fešn-brendam ź Biełarusi, jaki vyjšaŭ na suśvietnuju placoŭku ŭ Ńju-Jorku», — havoryć u svaim videa Kaciaryna Vaščyłka. Smartpress źviazaŭsia ź joj, kab daznacca padrabiaznaściaŭ.
Paśla padačy zajaŭki i doŭhich pieramovaŭ z arhkamitetam Kaciarynu zaprasili na sumoŭje, i ŭ vieraśni minułaha hoda ŭzhadnili ŭdzieł Maymont u pakazach New York Fashion Week. «Navat paśla pačatku padrychtoŭki jašče niejki čas razam z kamandaj prychodzili ŭ siabie ad takoj krutoj naviny», — uspaminaje jana.
Anansavać padzieju ŭ sacsietkach vyrašyli za miesiac da šou: pavodle słoŭ zasnavalnicy brenda, lepš rabić heta, kali amal usio hatova, a nie kali heta prosta emocyi. Kalekcyja ŭžo prybyła ŭ Ńju-Jork, a adšyvałasia ŭ Baranavičach: tam znachodzicca vytvorčaść Maymont i adna ź firmiennych kramaŭ brenda.
Skryn staronki ŭ instrahram Maymont
Jakoj atrymałasia kalekcyja? Heta piać vobrazaŭ. «Plus mnie ž taksama treba ŭ čymści vyjści na podyum — i heta faktyčna budzie šosty vobraz», — adznačaje Kaciaryna.
U instahramie brend užo pačaŭ dzialicca frahmientami tkanin i vyšyvak kalekcyi, adnak poŭnuju karcinu možna budzie ŭbačyć tolki na šou.
— Maymont — heta bazavyja, kapsulnyja rečy, — raspaviadaje ab svaim brendzie Kaciaryna. — Časam praskokvaje «modnaje», ale pry pravilnym užyvańni i takija madeli mohuć być bazaj. Podyumnuju ž kalekcyju my vyrašyli zrabić bolš vyčvarnaj. Nie, jana nie kryčyć, bieź dziŭnych detalaŭ, vielmi strymanaja i prosta darahaja, taki viačerni kežuał. Naprykład, u nas budzie čornaja sukienka, całkam vyšytaja ŭ čyrvonyja kvietki.
Častka rečaŭ podyumnaj kalekcyi pojdzie ŭ viasnovuju kalekcyju brenda, a častka — prosta zastaniecca na pamiać ab padziei.
New York Fashion Week — adzin z čatyroch samych viadomych tydniaŭ mody ŭ śviecie. Razam z paryžskim, łondanskim i miłanskim tydniami, uvachodzić u «Vialikuju čaćviorku» abo Big 4 — najbujniejšaje padzieja ŭ suśvietnaj modnaj industryi, jakaja adkryvaje vielizarnyja mahčymaści pierad dyzajnierami i modnymi brendami.
U 2021-m hodzie ŭ pakazach NYFW braŭ udzieł inšy biełaruski brend — HVILINA, jon zajmajecca vytvorčaściu hadzińnikaŭ.
Čytajcie taksama:
Na sustrečy z Łukašenkam Natalla Kačanava parušyła adrazu try praviły dziełavoha dres-kodu
Bieražy hałavu. Šapki ad biełaruskich vytvorcaŭ, u jakich budzie nie tolki ciopła, ale i pryhoža
Valfovič zaśviaciŭsia na bali Łukašenki z darahim hadzińnikam
