U cieniu Polščy i Rasii – novaja kniha Andreja Katlarčuka

Vyjšła novaja kniha viadomaha historyka Andreja Katlarčuka «U cieniu Polščy i Rasii. Vialikaje kniastva Litoŭskaje i Šviecyja ŭ časie jeŭrapiejskaha kryzisu siaredziny XVII st.»

Biełaruskaje vydańnie doktarskaj dysiertacyi Andreja Katlarčuka stała trecim paśla šviedskaha i niamieckaha. Jak adznačyŭ aŭtar u pradmovie dla biełaruskaha čytača – «Spadziajusia, što mienavita ŭ Biełarusi kniha zajmieje najbolšy rozhałas». U manahrafii apisanyja dramatyčnyja sproby VKŁ zaklučyć dziaržaŭnuju uniju sa Šviecyjaj. A.Katlarčuk nie spyniajecca na ŭnutranych spravach kniastva, a padaje taksama tahačasny hieapalityčny raskład, što robić pracu cikavaj i karysnaj nie tolki dla biełaruskaha čytača. U pryvatnaści, asobnyja častki manahrafii pryśviečanyja ukrainska-šviedskim i ukrainska-rasijskim dačynieńniam.

Kniha, jakaja pabačyła śviet pra padtrymcy Zhurtavańnia biełarusaŭ śvietu «Baćkaŭščyna» i ambasady Karaleŭstva Šviecyja ŭ Biełarusi, utrymlivaje ilustracyi i mapy.

AP

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH