Pieršyja biełarusy ŭžo atrymali litoŭskija humanitarnyja DNŽ na 3 hady
Siońnia stała viadoma, što pieršyja biełarusy, jakija źviartalisia za praciaham litoŭskaha dazvołu na žycharstva pa humanitarnych padstavach, atrymali rašeńnie ab jaho praciahu na try hady, paviedamlajecca ŭ telehram-kanale Śviatłany Cichanoŭskaj.
Heta śviedčyć pra toje, što niadaŭna pryniaty adpaviedny zakon Litoŭskaj Respubliki užo nabyŭ moc. Raniej humanitarnyja DNŽ u Litvie treba było praciahvać štohod.
«My vielmi ŭdziačnyja našym litoŭskim partnioram za hetyja źmieny ŭ zakanadaŭstvie. Dla nas vielmi važna, što biełarusy, jakija nie mohuć viarnucca dadomu z-za pieraśledu z boku režymu, mohuć pačuvacca ŭ biaśpiecy i raźličvać na svoječasovuju dapamohu z boku Litvy», — zajaviła Śviatłana Cichanoŭskaja.
Taksama vykazvajecca spadziavańnie, što novyja źmieny častkova zdymuć pytańnie atrymańnia prajaznych dakumientaŭ dla hetaj katehoryi biełarusaŭ, tamu što ich termin pryviazany da terminu dziejańnia DNŽ.
Čytajcie taksama:
Daradca prezidenta Litvy vykazaŭ zaściarohu, što biełarusy-mihranty mohuć sfarmiravać piatuju kałonu
Žonka akciora Uładasa Bahdonasa musiła pakinuć Litvu z-za prablem z DNŽ. Jana hramadzianka Biełarusi
