Siłaviki zatrymali ŭładalnicu atelje za miemy ŭ instahramie i za ŭdzieł u pratestach u 2020 hodzie
Miarkujučy pa skrynšotach, pryviedzienych u videa, havorka idzie pra žarty z rasijskich vajskoŭcaŭ.
Fota: Svetlanashik / Instagram
Siłaviki zatrymali ŭładalnicu atelje pa ramoncie adzieńnia z-za miemaŭ u Instagram, videa ź joj apublikavaŭ praŭładny kanał «Kniha HU «Baza». Jaje zavuć Śviatłana Dzieružkova, piša Mediazona.by.
Na videa zatrymanaja pradprymalnica kaža, što brała ŭdzieł u akcyjach pratestu ŭ Miensku ŭ 2020 hodzie, a taksama što «ŭ Instagram vykarystała miemy z čornym humaram, jakija adnosiacca da našaj ułady i susiedniaj dziaržavy».
Miarkujučy pa skrynšotach, pryviedzienych u videa, havorka idzie pra žarty z rasijskich vajskoŭcaŭ. Na pakazanych malunkach bačny, siarod inšaha, mužčyna ŭ formie vajskoŭca ź litaraj Z na hrudziach i hałavoj śvińni.
Što ciapier z uładalnicaj atelje — nieviadoma. Aŭtary praŭładnaha kanała pišuć, što jana «atrymaje 5 hadoŭ za ŭdzieł u biesparadkach, a ŭ dačynieńni da jaje miemaŭ z prykmietami raspalvańnia nacyjanalnaj varožaści pravodzicca dadatkovaja pravierka».
Jany taksama śćviardžajuć, što pradprymalnicu «zdaŭ» raniej zatrymany mužčyna.
Čytajcie taksama:
Prybiralščycu asudzili za kamientar da «chatniaj chimii» i vialikaha štrafu
