U pasiołku pad Varoniežam u vyniku rasijskaha bambardavańnia paciarpieli 100 damoŭ
U pasiołku Pietrapaŭłaŭka Varoniežskaj vobłaści paśla jaho vypadkovaha bambardavańnia rasijskaj armijaj paciarpieli bolš za 100 damoŭ, paviedamlajecca na sajcie abłasnoha ŭrada.
Fota: govvrn.ru
Raniej u telehram-kanale varoniežskaha hubiernatara havaryłasia pra toje, što nanoŭ daviadziecca ŭzvodzić 9 damoŭ, biez kankretyki pra maštab razbureńniaŭ.
Pa słovach kiraŭnika administracyi Astrahožskaha rajona, dzie raźmieščanaja Pietrapaŭłaŭka, usiaho ŭ pasiołku žyvuć 579 čałaviek u 303 damach:
«Zdareńnie zakranuła bolš za 100 damoŭ. Vosiem damoŭ całkam razburanyja, dziasiatki — paškodžanyja. U razburanych budynkach žyli 15 čałaviek».
Pra toje, što rasijski samalot vypadkova razbambiŭ siało pad Varoniežam, stała viadoma 2 studzienia.
Čytajcie taksama:
Žycharam Varonieža adklučyli aciapleńnie. A tam marazy pad minus 20°S
Ad rasijskaha bojeprypasu ŭ Varoniežskaj vobłaści paciarpieli čatyry čałavieki
