Rasijski samalot vypadkova razbambiŭ viosku pad Varoniežam
Žychary vioski Pietrapaŭłaŭka Varoniežskaj vobłaści paviedamlajuć pra mocny vybuch. «Voś u nas niama vulicy nich**. Usio raźniesła», — kaža na videa šakavany miascovy žychar. Na karcincy vidać šmat zrujnavanych budynkaŭ.
«U Astrahožskim rajonie Varoniežskaj vobłaści zafiksavany avaryjny schod našaha bojeprypasu», — hubiernatar Varoniežskaj vobłaści Rasii Alaksandr Husieŭ mietafaryčna pryznaŭ, što rasijskija vajskoŭcy vypadkova razbambili svaju terytoryju.
Pa słovach čynoŭnika, nichto nie paciarpieŭ, jość razbureńni ŭ damach. Žycharam abiacajuć kampiensacyju i budaŭnictva novaha žylla.
Ranicaj 2 studzienia Rasija čarhovy raz atakavała Ukrainu, a ad Pietrapaŭłaŭki da miažy Ukrainy kala 150 km.
Čytajcie taksama:
U Varoniežskaj vobłaści Rasii fura prataraniła kałonu Rashvardyi
