Załužny raskazaŭ, u čym była jahonaja hałoŭnaja pamyłka
Hałoŭnakamandujučy Uzbrojenych siłaŭ Ukrainy Valeryj Załužny padčas pres-kanfierencyi 26 śniežnia, pryśviečanaj temie mierkavanaj mabilizacyi, zakranuŭ siarod inšaha pytańnie, jakoj maje być vajennaja kampanija 2024 hoda i ŭ čym pryčyna niaŭdač u 2023-m.
Valeryj Załužny. Fota Ofisa prezidenta Ukrainy
Pavodle słoŭ Załužnaha, 2024 hod pavinien adroźnivacca ad 2023-ha. Jak jon ličyć, kamandavańnie USU znajšło karani prablem i 90% rašeńniaŭ, kab dziejničać bolš efiektyŭna i zachavać ludziej. I ź imi pahadzilisia zachodnija partniory.
Załužny ŭpeŭnieny, što zachodnija partniory zastanucca z Ukrainaj, i ŭvohule jon sam va ŭzroŭni zabieśpiačeńnia 2023 hoda nie rasčaravaŭsia.
«Na žal, pavinien kanstatavać, što praciŭnik ad nas nie adstaje. U apošnija dni ŭ nas adbyvajecca mahutnaje supraćstajańnie na ŭzroŭni prymianieńnia technałohij. Ale my nie pamianšajem namahańniaŭ», — padkreśliŭ Załužny.
Hałoŭnaj ža svajoj pamyłkaj jon ličyć upeŭnienaść, što takaja kolkaść strat, jakuju USU nanieśli praciŭniku, spynić luboha. Ale heta, maŭlaŭ, nie vypadak Rasijskaj Fiederacyi.
Čytajcie taksama:
Załužny paviedamiŭ, što USU adyšli ad Marjinki, jakoj «bolš niama»
Zialenski raskazaŭ pra paŭmiljonnuju mabilizacyju i adnosiny z Załužnym
Załužny pra prasłuchoŭvańnie: U kabiniecie dziaržtajamnicy nie ahučvalisia
Zialenski ci Załužny — kamu ŭkraincy daviarajuć bolš? Vyniki sacapytańnia
