U Biełarusi raspracoŭvajuć try vakcyny ad kavidu
U Biełarusi napracavany try dośledna-pramysłovyja sieryi vakcyny ad COVID-19. Praciahvajucca kliničnyja vyprabavańni. Pra heta na pres-kanfierencyi paviedamiŭ zahadčyk łabaratoryi bijatechnałohii i imunadyjahnostyki asabliva niebiaśpiečnych infiekcyj RNPC epidemijałohii i mikrabijałohii Pavieł Siemižon, piša reform.by.
Ilustracyjnaje fota: Julia Borodun Belarus Health Ministry via AP
Pratatyp vakcyny byŭ raspracavany ŭ 2020-2021 hadach. Była stvorana placoŭka dla vypusku preparata na bazie «Biełvitunifarma». Tam pracuje dośledna-pramysłovaja vytvorčaść, pad jakuju rekanstrujavany adzin pavierch.
«Ciapier na placoŭcy «Biełvitunifarma» pry ŭdziele «Biełmiedpreparataŭ» vypuščanyja ŭžo try dośledna-pramysłovyja sieryi vakcyny suprać COVID-19», — skazaŭ jon.
Praciahvajucca kliničnyja vyprabavańni dośledna-pramysłovych sieryj vakcyny.
«Jak miarkujecca, u papiarednich ekśpierymientach vakcyna pakazała svaju vysokuju efiektyŭnaść», — dadaŭ Siemižon.
Čytajcie taksama:
Minzdaroŭja Rasii ŭžo zarehistravała abnoŭleny «Sputnik łajt»
Vakcynacyju suprać hrypu ŭ Biełarusi praciahnuli da kanca śniežnia
U Minskuju infiekcyjnuju balnicu davoli časta pastupajuć pacyjenty z kavidam
