Minzdaroŭja Rasii ŭžo zarehistravała abnoŭleny «Sputnik łajt»
Heta adnakampanientnaja vakcyna ad kavidu, i joj šyroka pryščaplali ŭ Biełarusi.
Fota: kobrincity.by
Ministerstva achovy zdaroŭja RF zarehistravała abnoŭleny «Sputnik Łajt», paviedamili TASS u pres-słužbie Centra imia Hamalei, jaki raspracavaŭ vakcynu.
Raniej dyrektar Centra Alaksandr Hincburh kazaŭ, što efiektyŭnaść vakcyny «Sputnik łajt» z abnoŭlenym antyhiennym składam suprać aktualnych štamaŭ SARS-CoV-2 blizkaja da 100%.
«Na siońniašni dzień pa viruśniejtralizacyi [suprać] tych aktualnych štamaŭ, jakija ŭ nas cyrkulujuć, aceńvajem blizka da 95-97%, to-bok da 100%», — skazaŭ jon.
Razam z tym u kastryčniku Alaksandr Hincburh zajaŭlaŭ, što pieršapačatkovy varyjant «Sputnika V» biaśsilny suprać novych štamaŭ, a abnoŭleny varyjant vakcyny źjavicca ŭ šyrokim užytku nie raniej za sakavik.
«Sputnik łajt» — heta adnakampanientnaja vakcyna. U Biełarusi, aproč «Sputnika», taksama pryščaplajuć kitajskaj vakcynaj Vero Cell i dzie-nidzie bustarnaj kubinskaj «Sabierana plus».
Čytajcie taksama:
U Centry imia Hamalei dapuścili pieranos vypusku abnoŭlenaha «Sputnika»
Abnoŭlenaja vakcyna «Sputnik łajt» źjavicca ŭ šyrokim užytku ŭ śniežni
U Minzdaroŭja raskazali, jaki štam karanavirusa cyrkuluje ŭ Biełarusi
Jak zaścierahčy siabie i svaich blizkich ad COVID-19 u novym siezonie. Parady
