Znajści
Ałharytmičny łacinski varyjant
04.01.2024 / 00:07RusŁacBieł

Jak nadziejna pačyścić akaŭnt u TikTok — padrabiazny hajd

Tyktok — heta adna z samych papularnych sacsietak Biełarusi. Pry hetym mała chto viedaje, jak pačyścić akaŭnt i naładzić biaśpieku, bo admysłovych hajdaŭ pa temie niama. U pieršaj častcy našaha hajdu raspaviadajem, jak nadziejna pačyścić svoj akaŭnt u TikTok.

Źmiest artykułu:

Uvodziny

Jak pačyścić padpiski ŭ TikTok

Čyścim łajki i vybranaje

Čyścim kamientary

Čyścim historyju prahladaŭ

Čyścim historyju pošuku

Vydalajem paviedamleńni

Vydaleńnie akaŭntu

Uvodziny

Pry stvareńni akaŭnta padumajcie pra toje, što vy budziecie na im rabić i ź jakimi ryzykami možacie sutyknucca. Vy źbirajeciesia hladzieć niezaležnyja miedyja i nie chočacie, kab vas adšukali? Abo vy hladzicie abo stvarajecie tolki zabaŭlalny kantent i vas niepakoić najpierš biaśpieka samoha akaŭnta? Vy ŭ Biełarusi abo za miažoj?

U pieršaj častcy našaha hajdu pra tyktok my raspaviadajem, jak vyčyścić vaš akaŭnt — i heta nie vielmi prosta.

Jak ačyścić padpiski ŭ TikTok

Prahladzicie vašy padpiski. Dziela hetaha adkryjcie prahramu i ŭ nižnim mieniu naciśnicie «Profil».

Vyhlad profilu ŭ TikTok.

Dalej abiarycie «Padpiski».

Punkt «Padpiski». Naciśnicie na knopku «Padpiski» ŭ pravym baku ad nazvy akaŭnta, kab adpisacca.

Prahladzicie kanały. Abiarycie kanał, ad jakoha vy chočacie adpisacca. Kab adpisacca, naciśnicie na knopku «Padpiski» ŭ pravym baku ad nazvy kanała. Nadpis źmienicca na «Padpisacca», a knopka stanie čyrvonaj.

Vyhlad kanała, ad jakoha adpisalisia ŭ tyktoku ŭ mieniu «Padpiski». Kali vy vyjdziecie, to jon źniknie sa śpisu.

Uvierch ↑

Jak pačyścić łajki i vybranaje

Heta samaja składanaja častka ačystki vašaha tyktoku. Reč u tym, što ŭpadabanaje (toje, što vy łajkali) i vybranaje (toje, što vy zachavali sabie, nacisnuŭšy pad videa simvał zakładki) možna vydalić tolki pa adnym, hartajučy videa ŭručnuju. Dla hetaha spačatku pierajdzicie ŭ vaš profil.

Naprykancy raździeła my pišam, što rabić, kali videa vielmi šmat i vydalić ich uručnuju niemahčyma.

Źniešni vyhlad profilu ŭ tyktoku.

Dalej źviarnicie ŭvahu na panel ź simvałami, jakaja znachodzicca pad vyjavaj profilu. Spačatku abiarycie punkt «Vybranaje», jaki vyhladaje jak zakładka ź pierakreślenym vokam pobač.

Simvał zakładki pobač ź pierakreślenym vokam — tut znachodzicca ŭsio vaša abranaje.

Pierajdzicie ŭ videa, jakija jość u vas u «Vybranych». Naciśnicie simvał zakładki žoŭtaha koleru.

Videa ŭ abranych ź simvałam aktyŭnaj zakładki.

Paśla hetaha zakładka stanie biełaj, a videa źniknie z vybranaha. Pry hetym videa zastaniecca ŭ śpisie ŭpadabanych, bo my nie prybirali ź jaho łajk.

Videa ciapier nie budzie adlustroŭvacca ŭ abranym, a simvał zakładki staŭ bieły.

Praciahvajcie naciskać videa pa adnym, kab prybrać usio, što vy chočacie, z abranaha. Voś tak vyhladaje całkam pačyščanaje abranaje. Ciapier naciśnicie simvał serca ź pierakreślenym vokam, kab pabačyć usie videa, jakija vy ŭpadabali.

Tak vyhladaje całkam pačyščanaje «Vybranaje».

Ciapier abiarycie videa, jakoje vy łajknuli. Vy ŭbačycie, što simvał serca na im — čyrvony (jak u videa vyšej).

Tak vyhladaje mieniu ź videa, jakija vy łajknuli.

Paśla taho, jak vy naciśnicie na serca, jano pabialeje.

Tak vyhladaje videa, ź jakoha prybrali łajk — biełaha koleru. Kali nacisnuć jašče raz, to serca pačyrvanieje, a videa źjavicca ŭ śpisie tych, na jakija vy stavili łajk.

Paśla hetaha videa źniknie sa śpisu tych, što vy łajknuli.

Videa źnikła sa śpisu ŭpadabanych.

Praciahvajcie prahladać śpis videa, jakija vy łajknuli, kab pačyścić hety raździeł.

Kali ŭ vas ich vielmi šmat i vy nie zajmajeciesia błohinham, to vy možacie prosta vydalić akaŭnt u TikTok. Tearetyčna vy možacie taksama napisać u padtrymku servisu i paprasić ich vydalić usie vašy łajki — praŭda, nieviadoma, ci stanuć jany heta rabić i jak chutka.

Zrabić heta možna praz nałady. Pierajdzicie ŭ vaš profil. Naciśnicie simvał z tryma kreskami ŭ vierchnim pravym kucie, a paśla abiarycie «Nałady i kanfidencyjnaść».

Tak možna pierajści ŭ nałady tyktoku.

Adkryjecca mieniu «Nałady i kanfidencyjnaść». Dahartajcie da samaha kanca, vam patrebny punkt «Paviedamić pra prablemu».

Punkt «Paviedamić pra prablemu».

Tam znoŭku dahartajcie da samaha kanca i naciśnicie «Dasłać skarhu».

«Dasłać skarhu» — punkt, jaki dazvolić vam vam źviarnucca da administracyi płatformy TikTok.

Tut apišycie vašu prablemu, možacie taksama zrabić skrynšot i patłumačyć situacyju ŭ Biełarusi. Paśla naciśnicie «Dasłać». Mahčyma, heta spracuje.

Punkt «Paviedamić pra prablemu», jaki dazvolić źviazacca z administracyjaj tyktoku. Naprykancy naciśnicie «Dasłać».

Kab pabačyć adkazy na skarhi, vy musicie zajści ŭ punkt «Paviedamić pra prablemu» i nacisnuć na simvał śpisa ŭ pravym vierchnim kucie.

Punkt «Paviedamić pra prablemu». Kab prahladzieć chod vašych skarhaŭ, naciśnicie na simvał u pravym vierchnim kucie.

Uvierch ↑

Vydaleńnie kamientaroŭ u TikTok

Z kamientarami taksama ŭsio niaprosta i vydalać ich možna tolki pa adnym. Kab heta zrabić, spačatku viarniciesia ŭ mieniu «Nałady i kanfidencyjnaść». Naciśnicie «Centr aktyŭnaści».

Vyhlad mieniu «Nałady i kanfidencyjnaść»

Paśla hetaha pierajdzicie ŭ mieniu «Historyja kamientaroŭ».

Vyhlad mieniu «Centr aktyŭnaści»

Paśla hetaha adkryjucca ŭsie kamientary, jakija vy pakidali na płatformie za ŭvieś čas. Na žal, vydalić ich usie adnačasova niemahčyma. Daviadziecca vydzialać ich pa adnym. Naciśnicie na kamientar, jaki chočacie vydalić.

Vyhlad vašaha kamientara ŭ tyktoku

Paśla naciskańnia vas pierakinie pad videa, dzie vy pakidali kamientar. Zrabicie doŭhi nacisk na kamientary i źjavicca mieniu z opcyjami.

Vydaleńnie kamientara ŭ tyktoku — zrabicie doŭhi nacisk i adkryjecca mieniu

Naciśnicie «Vydalić». Prahladzicie astatnija kamientary. Całkam vyčyščanaja historyja kamientaroŭ vyhladaje tak:

Vyčyščanaja historyja kamientaroŭ

Kali kamientaroŭ vielmi šmat i vydalić ich niemahčyma, to možna abo vydalić akaŭnt u TikTok, abo źviarnucca da administracyi TikTok (pa spasyłkach my napisali, jak heta robicca).

Uvierch ↑

Ačystka historyi prahladaŭ u TikTok

Heta zrabić značna praściej. Spačatku viarniciesia ŭ «Centr aktyŭnaści». Naciśnicie «Vaša historyja prahladu».

«Centr aktyŭnaści» ŭ TikTok

Adkryjecca śpis usich videa, jakija vy prahladali na płatformie. Naciśnicie «Abrać».

«Vaša historyja prahladu» ŭ TikTok

Paśla hetaha źnizu, pad usimi videa, źjavicca knopka «Vydalić usio». Naciśnicie na jaje.

Abranyja videa, jakija vy prahladali. Abiarycie ŭsiu historyju i naciśnicie «Vydalić»

Paśla hetaha historyja prahladaŭ budzie vyhladać tak:

Pačyščanaja historyja prahladaŭ u tyktoku

Uvierch ↑

Ačystka historyi pošuku ŭ TikTok

Viarniciesia ŭ «Centr aktyŭnaści». Naciśnicie «Historyja pošuku». Naciśnicie «Abrać».

«Historyja pošuku» ŭ TikTok

Paśla hetaha źnizu, pad usimi videa, źjavicca knopka «Vydalić usio». Naciśnicie na jaje.

Vydzialeńnie ŭsioj historyi pošuku. Naciśnicie «Vydalić usio»

Paśla hetaha historyja pošuku budzie vyhladać tak:

Pačyščanaja historyja pošuku

Uvierch ↑

Jak pačyścić paviedamleńni ŭ TikTok

U tyktoku možna pisać tolki kantaktam. Mahčyma vydalać paviedamleńni abodvuch surazmoŭcaŭ, ale vydalajucca jany tolki na vašym baku. To-bok dyjałoh u lubym vypadku zastaniecca ŭ surazmoŭcy, a admianić adpraŭku niemahčyma.

Dziela taho, kab pačyścić dyjałoh dla siabie, spačatku naciśnicie «Uvachodnyja» ŭ nižnim mieniu prahramy.

Naciśnicie ŭvachodnyja, kab pabačyć paviedamleńni.

Kali vy chočacie vydalić dyjałoh całkam, to nie ŭvachodźcie ŭ jaho, a zrabicie na im doŭhi nacisk. Adkryjecca mieniu.

Mieniu, jakoje dazvalaje vam całkam vydalić dyjałoh u tyktoku

Paśla źjavicca papiaredžańnie pra toje, što dyjałoh vydalicca kančatkova. Naciśnicie «Vydalić».

Papiaredžańnie pra vydaleńnie dyjałohu ŭ TikTok

Kali vy chočacie pačyścić dyjałoh častkova, to nie vydzialajcie jaho, a naciśnicie. Jon adkryjecca.

Vyhlad dyjałohu ŭ tyktoku

Naciśnicie na paviedamleńnie, jakoje vy chacieli b vydalić. Źjavicca mieniu dziejańniaŭ.

Kab źjaviłasia mieniu vydaleńnia, zrabicie doŭhi nacisk na paviedamleńni.

Naciśnicie «Vydalić» u pravym nižnim kucie. Paśla hetaha paviedamleńnie źniknie. Całkam vyčyščany dyjałoh vyhladaje tak:

Pačyščany dyjałoh u tyktoku

Uvierch ↑

Vydaleńnie akaŭnta

Kali vy vyrašyli vydalić akaŭnt, to viarniciesia ŭ nałady. Naciśnicie punkt «Akaŭnt».

Mieniu «Nałady i kanfidencyjnaść». Naciśnicie «Akaŭnt».

Paśla adkryjecca punkt mieniu «Akaunt». Naciśnicie «Deaktyvavać abo vydalić akaŭnt».

Punkt mieniu «Akaŭnt» u tyktoku. Tut varta nacisnuć «Deaktyvavać abo vydalić akaŭnt».

Adkryjecca nastupnaje mieniu. Naciśnicie «Vydaleńnie akaŭnta nazaŭždy».

Punkt mieniu «Deaktyvavać abo vydalić akaŭnt» u TikTok. Naciśnicie «Vydalić akaŭnt nazaŭsiody».

U nastupnym mieniu abiarycie pryčynu vydaleńnie abo naciśnicie «Prapuścić».

Vybar pryčyny vydaleńnia akaŭnta. Abiarycie lubuju abo naciśnicie «Prapuścić».

Tut vam prapanujuć spampavać vašy danyja. Naciśnicie hałačku źnizu i naciśnicie «Praciahnuć». Akaŭnt vydalicca.

Mieniu, dzie vy možacie zahruzić źmieściva vašaha akaŭntu. Abo zrabicie heta, abo naciśnicie ptušačku ŭnizie, a paśla — knopku «Praciahnuć».

Uvierch ↑

«Naša Niva» — bastyjon biełaruščyny

PADTRYMAĆ

Čytajcie taksama:

Huhł moža vydać historyju vašych pieramiaščeńniaŭ. Jak abaranić vaš Google-akaŭnt — padrabiazny hajd

Jak pačyścić i abaranić vaš YouTube — padrabiazny hajd

Jak zarehistravać ananimnyja akaŭnty ŭ Telegram, sacsietkach i inšych miesiendžarach — padrabiazny hajd

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
2
Ха-ха
1
Ого
1
Сумна
2
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera