Jeŭropa spyniaje źziańnie. Top biełaruskaj kaśmietyki ź bliskaŭkami, jakaja moža zamianić zachodnija anałahi
Nieŭzabavie Jeŭropa zastaniecca bieź bliskavak — vinoj tamu zabarona na vykarystańnie płastykavych čaścic u kaśmietyčnych praduktach. Zrešty, amataram jarkaha makijažu nie varta adrazu biehčy ŭ kramy, bo i ŭ biełaruskich vytvorcaŭ možna znajści šmat cikavaha. Naprykład: blask dla vusnaŭ ź viehanskim kałahienam i zichatlivyja rumiany, jakija zrobiać skuru «jak u junactvie».
U kancy vieraśnia Jeŭrakamisija zabaraniła vykarystoŭvać mikrapłastyk u niekatorych hrupach tavaraŭ, u tym liku — u kaśmietycy.
Padstavaj da zabarony stała masavaje zabrudžvańnie navakolnaha asiarodździa drabniutkimi palimiernymi čaścicami i ich patencyjnaja škoda dla čałavieka. Tak, daśledčyki z Kienterbieryjskaha ŭniviersiteta ŭ Novaj Ziełandyi vyjavili elemienty płastyku ŭ śniezie, jaki tolki vypaŭ u Antarktydzie. Biełaje i Barancava mory taksama akazalisia surjozna zabrudžanyja: kala 80% znojdzienych krupinak u ich donnych adkładach i vadzie składajucca z polietylenavych hranuł pamieram 200-300 mikramietraŭ.
Navat Evierest paciarpieŭ ad palimieraŭ: u 2020 hodzie navukoŭcy ź Plimuckaha ŭniviersiteta znajšli drobny płastyk u vadzie i śniezie na vyšyni 8440 mietraŭ.
Z hetaj nahody amataram šymieru chutka pryjdziecca admovicca ad zichatlivych vobrazaŭ. Zabarona ŭžo adbiłasia na prodažy kaśmietyki: niahledziačy na toje, što tavary, jakija źmiaščajuć bliskučyja čaścicy, zastanucca ŭ prodažy da 16 kastryčnika 2025 hoda, pakupniki masava źmiatajuć ich z palic užo siońnia.
Adnak biełaruskija vytvorcy nie źbirajucca pakidać amataraŭ jarkaha makijažu bieź źziańnia. Sabrali najlepšyja pradukty.
Relouis
Kampanija Relouis prapanuje siem adcieńniaŭ zichatlivych cieniaŭ u refiłach. Vytvorca abiacaje wow-efiekt: šaŭkavistuju, vysokapihmientavanuju teksturu, jakaja lohka nanosicca i nie absypajecca.
Fota: sajt brenda
U vytvorcy jość i modnyja kremavyja pradukty. Naprykład, cieni Sparkle Liquid Eyeshadow, jakija možna vykarystoŭvać u roznych varyjantach: malavać strełki, rasstaŭlać akcenty i rabić efiektnyja smoky eyes.
Fota: instahram brenda
Belita-M
Dobra znajomy pakupnikam brend «Bielita-M» prapanuje hieli dla dušu i sprei z efiektam lohkaha šymieru. Jak śćviardžaje vytvorca, parfumavanaja linija Feel Happy nie tolki doryć ustojlivy vodar, ale i padkreślivaje pryhažość zaharełaj skury.
Fota: sajt brenda
Luxvisage
Chajłajtar MOONLIGHT ad Luxvisage stanie niezamiennym pamočnikam dla skulpturavańnia tvaru — dalikatnyja žamčužnyja čaścicy nadaduć skury śviežaści.
Fota: sajt brenda
Dapoŭniać vobraz vadkija cieni dla paviekaŭ — ź imi možna stvaryć ustojlivy makijaž usiaho za paru chvilin.
Fota: sajt brenda
«Viteks»
Brend «Viteks» prapanuje zapiečanyja šaŭkovyja rumiany LUXSHOW. Miakkaje ciopłaje adcieńnie znojdzie hodnaje miesca ŭ kaśmietyčcy ryžavałosych panienak. Vytvorca harantuje «efiekt pruhkaj, hładkaj i śviežaj skury, jak u junactvie», a taksama rekamienduje dadatkova vykarystoŭvać rumiany ŭ jakaści cieniaŭ dla paviek.
Fota: sajt brenda
Pisk kaśmietyčnaj mody — blask-płampier dla pavieličeńnia abjomu vusnaŭ. Pradukt ad «Viteks» źmiaščaje viehanski kałahien, a za košt inavacyjnaj formuły zabiaśpiečvaje padvojnaje dziejańnie: jak abiacajuć, napaŭniaje vusny abjomam znutry i vizualna pavialičvaje ich zvonku.
Fota: sajt brenda
LiLo
Kab padkreślić vyraznaść vačej, možna vykarystoŭvać padvodku z efiektam «mietalik». Amataraŭ makijažu paraduje raznastajnaść adcieńniaŭ — u palitry ich ažno siem.
Fota: instahram brenda
Jašče adzin cikavy pradukt LiLo — cieni-ałoŭki COSMIC. Takija lohka tušujucca i vydatna spałučajucca ź inšymi kremavymi praduktami.
Fota: instahram brenda
Pry ŭsioj raskošy bliskavak, vykarystoŭvać ich u štodzionnym makijažy nie zaŭsiody zručna. Tamu my padrychtavali top-kaśmietyčnych srodkaŭ, jakija mohuć spatrebicca niezaležna ad nahody.
Čytajcie taksama:
Bieražy hałavu. Šapki ad biełaruskich vytvorcaŭ, u jakich budzie nie tolki ciopła, ale i pryhoža
Luboŭ i nianaviść da Crocs: jak humovyja tapki skaryli śviet
Piać raspaŭsiudžanych pamyłak pry vybary abutku na chałodny siezon
