Znajści
Ałharytmičny łacinski varyjant
27.10.2023 / 17:47RusŁacBieł

Tejłar Śvift stała miljarderkaj

Na rost dachodaŭ 33-hadovaj śpiavački paŭpłyvaŭ maštabny tur Eras, u ramkach jakoha jana dała ŭžo zvyš 50 kancertaŭ. Pavodle źviestak Bloomberg, vystupy śpiavački prynieśli VUP ZŠA $4,3 miljarda.

Tejłar Śvift na suśvietnaj premjery filma Taylor Swift: The Eras Tour. Fota: Chris Pizzello / AP

Amierykanskaja śpiavačka Tejłar Śvift upieršyniu stała miljarderkaj pavodle acenki Bloomberg. Jaje dachod pieravysiŭ $1 młrd dziakujučy samamu maštabnamu ŭ karjery artystki kancertnamu turu Eras, piša RBK.

Pavodle źviestak Bloomberg, dachod śpiavački składajecca z $400 miljonaŭ ad muzyčnych relizaŭ z 2019 hoda, $370 miljonaŭ ad prodažu kvitkoŭ i mierču i $110 młn, u jakija aceńvajecca nieruchomaja majomaść Śvift.

Bloomberg adznačaje, što śpiavačka stała adnoj ź niamnohich artystak, chto zarabiŭ hrošy nie tolki na muzycy i vystupach, a taksama dziakujučy jakasnamu markietynhu. Ahienctva taksama adznačaje, što 53 kancerty śpiavački ŭ 2023 hodzie pavialičyli VUP ZŠA na $4,3 młrd.

Tur pačaŭsia jakraz u toj čas, kali amierykancy paśla zakančeńnia pandemii byli hatovyja tracić hrošy na žyvuju muzyku. Kvitok na kancert Śvift u siarednim kaštuje $254, pry hetym na druhasnym rynku jaho kupla abychodzicca daražej. U ramkach turu ŭ Śvift zapłanavana jašče 89 vystupaŭ.

Tejłar Śvift 33 hady. Jana pačała zajmacca muzykaj z 14 hadoŭ, pieršyja jaje albomy byli napisanyja ŭ styli kantry-pop, naprykład, Fearless. U 2014 hodzie Śvift vypuściła pop-albom «1989», u jakim adyšła ad kantry. Praz try hady vyjšła kružełka Reputation, jakaja stała biestsieleram i ŭznačaliła chit-parady ZŠA, Kanady, Vialikabrytanii i inšych krain.

Paźniej Śvift vypuściła albom Lover, Folklore, Evenmore, Midnights. Jana adna z samych pradavanych muzykaŭ u śviecie i samaja papularnaja śpiavačka na Spotify.

Čytajcie taksama:

Fanaty Tejłar Śvift vyrašyli adpomścić hulcu «Barsiełony». I ŭ ich niabłaha atrymałasia

Bielhijski ŭniviersitet zapuskaje kurs analizu tekstaŭ Tejłar Śvift

Fanaty Tejłar Śvift pieratvaryli jaje biezymiennuju knihu ŭ miehapapularny biestsieler. Jak potym vyśvietliłasia, knihu śpiavačka ŭvohule nie pisała

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
8
Панылы сорам
2
Ха-ха
0
Ого
1
Сумна
1
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930