Rasija abviaściła ŭ vyšuk Arastoviča
Rasijskija ŭłady abviaścili ŭ vyšuk byłoha daradcu Ofisa prezidenta Ukrainy Alaksieja Arastoviča.
Alaksiej Arastovič. Fota: UNIAN
U Rasii Arastovič uklučany ŭ rejestr ekstremistaŭ i terarystaŭ. Ale artykuł, pa jakim jaho abviaścili ŭ vyšuk, nie paviedamlajecca.
Arastovič staŭ viadomy dziakujučy štodzionnym strymam na jutubie z Markam Fiejhinym, dzie raźbiraŭ situacyju na froncie i pasialaŭ va ŭkraincach nadzieju. Strymy hladzieła miljonnaja aŭdytoryja, ale ŭ siaredzinie žniŭnia ich pastavili na paŭzu.
10 žniŭnia Alaksiej Arastovič vykłaŭ videaintervju z rasijskaj apazicyjnaj žurnalistkaj Julijaj Łatyninaj, dzie abmiarkoŭvalisia samyja nadzionnyja pytańni (za dzień da hetaha, 9 žniŭnia, u Arastoviča vyjšaŭ apošni sumiesny strym ź Fiejhinym).
«Hałoŭnaja naša pamyłka — heta kali my dazvolili sabie rasčałaviečvać usich rasijan. Spačatku my trymalisia, a potym akunulisia ŭ heta ŭsio. My dali siaredniestatystyčnamu mabilizavanamu rasijaninu, jaki ciapier składaje kaściak armii, vydatnuju matyvacyju vajavać. Zaraz jon zaŭsiody moža sabie patłumačyć, navošta jon vajuje, bo my dali jamu padstavu dla pomsty, kali nazyvali jaho žonku, dziaciej i baćkoŭ žyviołami», — kazaŭ u tym videa Arastovič.
Adzin z hledačoŭ napisaŭ na Arastoviča zajavu ŭ SBU, jahonyja słovy na videa jon paličyŭ apraŭdańniem ahresii suprać Ukrainy, što praduhledžvaje pakarańnie ŭ vyhladzie pazbaŭleńnia voli terminam da troch hadoŭ pavodle artykuła 436-2 KK Ukrainy.
Čytajcie taksama:
Arastovič i Fiejhin bolš nie buduć rabić tradycyjnych sumiesnych efiraŭ. Što zdaryłasia?
Alaksiej Arastovič pryjšoŭ na strym z zaleplenym vokam FOTAFAKT
Arastovič patłumačyŭ, čamu nie baicca scenaryja z rasijskim staŭlenikam na miescy Łukašenki
