18 hadzin u čarzie! Na miažy ź Litvoj stała takoje ž piekła, jak i na polskaj

Mužčyna vyjazdžaŭ ź Biełarusi na minułym tydni praz pamiežny punkt «Katłoŭka». Jon raskazvaje, što praviaraŭ najaŭnaść čerhaŭ na sajcie Dziaržpahrankamiteta, i tam było kala 30 mašyn, tamu i vyrašyŭ prachodzić praź miažu ŭ Katłoŭcy. Ale ž na sajcie paznačanyja tolki mašyny, jakija stajać u zonie čakańnia, i ničoha nie skazana pra transpart, što staić pierad joj, a tam znachodziłasia jašče niekalki dziasiatkaŭ mašyn.

Viktar staŭ u čarhu rankam, a trapić na samu terytoryju pamiežnaha punkta zmoh tolki praz 13 hadzin. Jašče niekalki hadzin syšło ŭłasna na prachodžańnie miažy ź biełaruskaha i litoŭskaha bakoŭ.

Vinavatymi ŭ takoj situacyi, adnak, biełarus nazyvaje litoŭskich pamiežnikaŭ, bo, pavodle jaho, tyja pracujuć duža pavolna. Pryčym Viktar adznačaje, što jon nie pabačyŭ ź litoŭskaha boku nadta ruplivaj pravierki, chutčej, tyja prosta nie śpiašajucca pracavać.

Čytajcie taksama:

Pašpartny kantrol i čerhi pa načach. Jak vyhladaje pierachod biełaruska-rasijskaj miažy

«Płakali tannyja krupy i zuby!» Što žychary Dźvinska kažuć pra mahčymaje zakryćcio pamiežnaha punkta na miažy ź Biełaruśsiu

«Na pamiežnym pierachodzie dziejecca niejki žach». Biełarus raskazaŭ pra ciapierašniuju situacyju pry vyjeździe z krainy

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

6

4

3

1

3

6