Znajści
Ałharytmičny łacinski varyjant
07.06.2023 / 19:531RusŁacBieł

Prynamsi try čałavieki zahinuli pry avaryi na Śvietłahorskim CKK

Padčas pošukava-vyratavalnych rabot na miescy avaryi znojdzienyja pareštki mierkavana traich čałaviek, paviedamlajuć «Śvietłahorskija naviny» sa spasyłkaju na načalnika Śvietłahorskaha RANS Andreja Vysockaha.

Razbor zavałaŭ i pošukavyja raboty praciahvajucca.

Siońnia dniom vybuch adbyŭsia na zavodzie bielenaj celułozy ŭ Śvietłahorsku.

Jak raskazali «Svabodzie» krynicy, «vybuch byŭ taki, nibyta bomba ŭpała», jaho było čuvać u susiedniaj z zavodam vioscy Jakimava Słabada.

Staršynia Śvietłahorskaha rajvykankama Dźmitryj Šabietnik daŭ kamientar pra zdareńnie miascovamu vydańniu.

Pavodle jaho, z 2 červienia zavod bielenaj celułozy Śvietłahorskaha CKK znachodziŭsia na aficyjnym pierapynku. Pry praviadzieńni prafiłaktyčnych i ramontnych rabot u cechu vyparki škipinaru pry pramyvańni ciepłaabmieńnika adbyŭsia vybuch.

Na pradpryjemstvie pracuje kamisija dla vyśviatleńnia pryčyn taho, što adbyłosia.

«Pahrozy dla žyćcia i zdaroŭja nasielnictva niama», — skazaŭ čynoŭnik.

U pres-słužbie Ministerstva achovy zdaroŭja zajavili ab čatyroch paciarpiełych. U ich dyjahnastavany pavierchnievyja rany hałavy i apioki ruk. Jany atrymali dapamohu na miescy.

Śledčy kamitet raspačaŭ kryminalnuju spravu pa art. 302 KK RB (Parušeńnie praviłaŭ vytvorča-techničnaj dyscypliny, praviłaŭ biaśpieki na vybuchovaniebiaśpiečnych pradpryjemstvach abo ŭ vybuchovaniebiaśpiečnych cechach abo praviłaŭ biaśpieki vybuchovaniebiaśpiečnych rabot). 

U 2020 hodzie na CKK u vyniku vybuchu na čanie rakitavaha aleju zahinuŭ čałaviek — 40-hadovy zvarščyk Alaksandr Rusinovič.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Rpkpmon/adkazać/
07.06.2023
Spachuvanni semjam zahinulyhdy paciarpelyh.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031