«U mianie karony niama». Zialenski hatovy vylecieć u Łacinskuju Amieryku dla sustrečy z prezidentami
«Ja chaču z vami havaryć, budu ŭ vas, my ŭbačym, chto taki Pucin i što jon nie taki vialiki. Jaho čas prajšoŭ», — kaža prezident Ukrainy.
Uładzimir Zialenski. Fota: Ofis prezidenta Ukrainy
Prezident Uładzimir Zialenski paviedamiŭ lidaram krain Łacinskaj Amieryki, što choča prylacieć da ich na sustreču, piša «Ukrainskaja praŭda».
«Mnie vielmi składana padčas vajny heta zrabić. Ale ja hatovy. Ja prasiŭ, paviercie, amal kožnuju ź dziaržaŭ ja prasiŭ: zrobim maju sustreču ź lidarami vašaha kantynienta. Ja hatovy prylacieć, ja chaču ź imi pahavaryć. Vašy ludzi, vaša hramadstva daviarajuć svaim lidaram. I kali ja budu z vami havaryć, budu ŭ vas, my ŭbačym, chto taki Pucin i što jon nie taki vialiki. Jaho čas prajšoŭ».
«A našy nacyi pavinny siabravać i raźvivacca, davajcie my vam raskažam, što adbyvajecca. Kali ŭ vas niama mahčymaści pryjechać da nas, ničoha strašnaha, u mianie karony niama, ja vielmi prosty čałaviek, ja budu ŭ vas. Davajcie razam prahavorym našy kroki napierad», — skazaŭ Zialenski.
Bolšaść krain Łacinskaj Amieryki jašče nie vyznačyłasia, na čyim baku jany ŭ kanflikcie Ukrainy i Rasii, i Zialenski choča pieraciahnuć ich na svoj bok.
Čytajcie taksama:
Zialenski: Kontrnastup — nie kino, nie skažu, jak vy jaho ŭbačycie
Ukrainskija vojski pačali padrychtoŭku da kontrnastupu — CNN
