Kontrnastup Ukrainy budzie vielmi mahutnym — hienierał ZŠA
Amierykanski hienierał, były dyrektar CRU Devid Pietreus pierakanany, što ŭkrainski kontrnastup budzie vielmi mahutnym, a siły abarony Ukrainy padčas jaho «dasiahnuć ahulnavajskovaha efiektu».
Fota: Minabarony Ukrainy
«Ja miarkuju, što kontrnastup [Ukrainy] budzie vielmi mahutnym. Ja dumaju, što jany dasiahnuć ahulnavajskovaha efiektu, heta značyć, jany buduć paśpiachova pravodzić ahulnavajskovyja apieracyi. Siły abarony Ukrainy buduć pracavać zładžana i kompleksna. Jany buduć vykonvać roznyja zadačy, siarod jakich — raźminiravańnie, praryvy, supraćpavietranaja abarona vojskaŭ. Buduć prymianiać srodki radyjoelektronnaj baraćby, naładžvać łahistyku i pracavać pry padtrymcy artyleryi i minamiotaŭ», — cytuje słovy hienierała «Ukrainskaja praŭda».
Devid Pietreus dadaŭ, što ŭkrainskija abaroncy «majuć namier vyzvalić svaju krainu».
Raniej prezident Ukrainy Uładzimir Zialenski zapeŭniŭ, što pa stanie na siońnia Ukraina ŭžo hatovaja da kontrnastupu.
Čytajcie taksama:
Zialenski: Kontrnastup — nie kino, nie skažu, jak vy jaho ŭbačycie
Ukrainskija vojski pačali padrychtoŭku da kontrnastupu — CNN
