Biełaruskija pamiežniki łaskava zaprasili ŭkrainskich kaleh na biełaruski boršč. Źjedlivy trolinh pamiž pahraničnikami dźviuch krain praciahvajecca VIDEA
Biełaruskija pamiežniki zapisali dla ŭkrainskich kaleh aŭdyjazaprašeńnie na boršč. Videa apublikavaŭ «Biełsat».
Na zapisie łaskavy žanočy hołas na fonie cymbałaŭ raspaviadaje pa-ŭkrainsku, što boršč — heta «ŭnikalnaja strava ŭschodniesłavianskaj kuchni», a ŭ jeŭrapiejskich kuchniach «ničoha padobnaha niama i blizka».
U zvarocie havorycca, što pamiž biełaruskim i ŭkrainskim barščom jość nievialikija adroźnieńni: va ŭkrainski pryniata dadavać bolš fasoli, a ŭ biełaruski — bulby.
«Kali vam bolš nie budzie z čaho hatavać vaš boršč — pierachodźcie na naš bok. Pakaštujcie naš, biełaruski boršč! Nie paškadujecie!» — śćviardžajecca ŭ zapisie.
Ukrainskija i biełaruskija pamiežniki rehularna abmieńvajucca paviedamleńniami. Na 9 Maja ŭkrainskija pahraničniki pavinšavali biełaruskich z Dniom Pieramohi.
Čytajcie taksama:
Batł na 9 Maja pamiž estonskaj Narvaj i rasijskim Ivanharadam, jakija padzialaje raka
Ukrainskija pamiežniki pavinšavali biełaruskich z Dniom Pieramohi