U Biełarusi zabłakavali «ajcišny» internet-resurs Dev.by
U kancy minułaha tydnia ŭ niekatorych apierataraŭ suviazi ŭ Biełarusi pierastaŭ adkryvacca navinny resurs Dev.by. Pakolki redakcyja nie atrymlivała aficyjnych pretenzij z boku ŭładaŭ, zasnavalniki spadziavalisia, što heta techničnaja nakładka. Adnak paśla vychodnych sajt tak i nie zapracavaŭ — jaho zabłakavali, piša BAŽ.
Pratest ajcišnikaŭ u 2020 hodzie
Pry hetym za miežami krainy staronka Dev.by adkryvajecca i abnaŭlajecca.
Dev.by — internet-vydańnie pra biełaruskuju IT-halinu. Płatforma zasnavanaja ŭ 2008 hodzie i aśviatlaje ŭsie značnyja padziei, jakija adbyvajucca ŭ industryi abo mohuć na jaje paŭpłyvać.
Spažyŭcy navinaŭ IT-industryi burna reahujuć na čarhovy akt cenzury, ale pry hetym paśmichajucca z «kandovych sprobaŭ» uładaŭ adharadzić «ajcišnikaŭ» ad prafiesijnaj infarmacyi.
«Ničoha jany nie zrobiać: uvieś IT-siektar karystajecca słužbovymi VPN (prahrama abychodu błakavanych kanałaŭ), jakija naohuł nijak nie mohuć rehulavacca zakonami Karystalnickaj damovy (censored — P. 4.1.2). Tamu što VPN u šerahu vypadkaŭ zabiaśpiečvajuć klijenty, jakija płaciać hrošy, adpaviedna, im hłyboka fijaletava da niečych «chaciełak». Pustoje marnavańnie času…» — patłumačyŭ na redakcyjnym forumie adzin z karystalnikaŭ.
Niahledziačy na sproby Ministerstva infarmacyi abmiežavać dziejnaść papularnaha internet-resursu, u redakcyi Dev.by zajavili, što praciahnuć pracu ŭ zvykłym režymie.
Čytajcie taksama:
Zabłakavali papularny hrodzienski sajt Newgrodno.by
Ułady zabłakavali dostup da vydańnia «Inteks-pres»
«Narodnaja Vola» na miesiac prypyniaje vychad i nie vyklučaje pahrozy poŭnaha zakryćcia
