Pieračaplać pryčepy budzie nielha, ale pierahružać hruzy jašče možna — Mytny kamitet
Dziaržaŭny mytny kamitet Biełarusi prakamientavaŭ infarmacyju pra toje, što z 1 červienia Polšča ŭviadzie poŭnuju zabaronu na pieramiaščeńnie praź biełaruska-polskuju miažu ŭsich vidaŭ biełaruskich i rasijskich hruzavych aŭtatranspartnych srodkaŭ, u tym liku pryčepaŭ i paŭpryčepaŭ.
Pavodle biełaruskich mytnikaŭ, novaŭviadzieńnie polskaha boku sapraŭdy zabaraniaje subjektam haspadarańnia Jeŭrapiejskaha sajuza rabić pieračepku biełaruskich i rasijskich transpartnych srodkaŭ.
U toj ža čas pierahruzka tavaraŭ pakul zastaniecca aktualnaj, tolki što hetaja apieracyja patrabuje bolš vydatkaŭ — jak materyjalnych, tak i časavych.
I heta, maŭlaŭ, jašče bolš pahoršyć stanovišča jeŭrapiejskaha biznesu. Zatoje biełaruskaja mytnia «praciahnie prymać usie mahčymyja miery dla sadziejničańnia raźvićciu źniešnieekanamičnaj dziejnaści».
