Polšča zakryvaje miažu dla pryčepaŭ ź biełaruskimi i rasijskimi numarami
Z 1 červienia i da asablivaha rasparadžeńnia na miažy ź Biełaruśsiu budzie prypynieny ruch hruzavych aŭtamabilaŭ, ciahačoŭ, pryčepaŭ, u tym liku paŭpryčepaŭ i sastavaŭ transpartnych srodkaŭ, zarehistravanych u Biełarusi i Rasii. Takuju pastanovu vydała polskaje Ministerstva ŭnutranych spraŭ i administracyi, paviedamlaje Onet.pl.
Praduhledžvajecca, što z 24:00 1 červienia (čaćvier) da dadatkovaha paviedamleńnia spyniajecca pahraničny ruch hruzaŭ u punktach propusku praź miažu z Respublikaj Biełaruś dla hruzavych aŭtamabilaŭ, siedłavych ciahačoŭ, pryčepaŭ, u tym liku paŭpryčepaŭ i sastavaŭ transpartnych srodkaŭ, zarehistravanych na terytoryi Respubliki Biełaruś ci Rasijskaj Fiederacyi.
Raniej abmiežavańni isnavali taksama, ale praź miažu prapuskali, naprykład, zarehistravanyja ŭ Biełarusi paŭpryčepy, jakija ciahnuli transpartnyja srodki, zarehistravanyja ŭ Polščy. Ciapierašniaja pastanova heta zabaraniaje.
Raniej siońnia kiraŭnik MUS Polščy vyrašyŭ uklučyć u sankcyjny śpis 365 pradstaŭnikoŭ biełaruskaha režymu, a taksama 20 struktur i 16 pradprymalnikaŭ, pieravažna źviazanych z rasijskim kapitałam.
Heta reakcyja na rašeńnie łukašenkaŭskaha suda prysudzić žurnalista i aktyvista polskaj mienšaści ŭ Biełarusi Andreja Pačobuta da vaśmi hadoŭ kałonii ŭzmocnienaha režymu. 26 maja Viarchoŭny sud Biełarusi razhledzieŭ apielacyju i pakinuŭ prysud u sile.
Čytajcie taksama:
Śviatłana Cichanoŭskaja pryvitała rašeńnie Polščy ŭvieści novyja sankcyi suprać pradstaŭnikoŭ režymu
U Polščy znoŭ pačali praviarać transpartnyja kampanii ź biełaruskim kapitałam
Prafsajuzy śvietu zaklikali ŭvieści poŭnuju ekanamičnuju błakadu łukašenkaŭskaha režymu
