Pieraraźliku vynikaŭ CE nie budzie, vyniki pravilnyja — Respublikanski instytut kantrolu viedaŭ
Pieraraźliku vynikaŭ centralizavanaha ekzamienu nie budzie. Pra heta žurnalistam paviedamiŭ dyrektar Respublikanskaha instytuta kantrolu viedaŭ Juryj Miksiuk, jak pieradaje BIEŁTA.
Dyrektar Respublikanskaha instytuta kantrolu viedaŭ Juryj Miksiuk
«Pieraraźliku vynikaŭ CE nie budzie. Tyja bały, jakija abituryjenty bačać u asabistym kabiniecie na sajcie RIKV, aktualnyja, pravilnyja. Jany pojduć u siertyfikat CE», — kaža Juryj Miksiuk.
Raniej «Zierkało» napisała ab tym, što ŭ vypusknikoŭ uźnikli pytańni da bałaŭ, atrymanych na centralizavanym ekzamienie. Na pohlad niekatorych, naličanyja bały nie karelujuć z kolkaściu pravilna vykananych zadańniaŭ. Taksama ŭ niekatorych abituryjentaŭ adlustroŭvalisia vyniki bolš za 100 bałaŭ — 101 i 103 bały.
Baćki śćviardžali, što im nibyta abiacali pieraličyć bały.
Čytajcie taksama:
Studentaŭ Baranavickaha ŭniviersiteta prymusili hladzieć intervju z Ramanam Pratasievičam
