Maci palitviaźnia, zahadčycu kafiedry jurfaka BDU, paklikali na sudziejskaje śviata, ale abrezali na vynikovych fota
Siońnia pieršy namieśnik staršyni Viarchoŭnaha suda Valeryj Kalinkovič uručaŭ uznaharody na jurfaku BDU. Tudy paklikali zahadčycu kafiedry ekałahičnaha i ahrarnaha prava Tamaru Makaravu, maci palitviaźnia: try miesiacy tamu jaje syna, byłoha advakata Michaiła Makarava, asudzili za ŭdzieł u prateście. Ale na spravazdačnych fota dla sajta suda jaje abrezali.
Tamara Makarava sprava. Fota: telehram-kanał Viarchoŭnaha suda
Advakata Michaiła Makarava zatrymali ŭ vieraśni 2022-ha, a asudzili ŭ sakaviku 2023-ha na hod kałonii pa 342 artykule («Aktyŭnyja dziejańni, jakija hruba parušajuć hramadski paradak»).
Pravaabaroncy pryznali jaho palitviaźniem.
Makaraŭ pachodzić ź siamji jurystaŭ. Jaho žonka advakat, maci i brat — jurysty.
Maci Michaiła, Tamara Makarava, — zahadčyca kafiedry ekałahičnaha i ahrarnaha prava jurfaka BDU.
Siońnia na jurfaku BDU pradstaŭniki Viarchoŭnaha suda ŭznaharodžvali supracoŭnikaŭ fakulteta. Prymierkavana heta było da 100-hodździa Viarchoŭnaha suda.
Tamaru Makaravu taksama zaprasili. Na fota, apublikavanym u telehram-kanale suda, jana siadzić pobač z dekanam jurfaka Šydłoŭskim i krasamoŭna hladzić na tych, chto na scenie.
Ale voś niuans: na tych ža fota, apublikavanych na sajcie Viarchoŭnaha suda, Makaravu abrezali. Na fota vidać tolki Šydłoŭskaha.
Skrynšot z sajta Viarchoŭnaha suda
Viarchoŭny sud Biełarusi paśla 2020 hoda nie asprečyŭ nivodnaha niezakonnaha rašeńnia sudoŭ pa palityčnych i kala-palityčnych spravach. U Viarchoŭnym sudzie sudzili niekatorych palitviaźniaŭ, kab nie dać im mahčymaści padać apielacyju.
Čytajcie taksama:
«Naša Niva» — bastyjon biełaruščyny
PADTRYMAĆ
