Łukašenka z Nabiulinaj abmierkavali metazhodnaść uviadzieńnia adzinaj valuty
Łukašenka siońnia pravodzić sustreču z kiraŭnicaj Centrabanka Rasii Elviraj Nabiulinaj. Jany abmierkavali pytańni finansavaj śfiery i ŭzajemadziejańnia ŭ bankaŭskim siektary RB i RF
Łukašenka sustreŭsia z kiraŭnicaj Centrabanka Rasii Elviraj Nabiulinaj
Jak paviedamiła pres-słužba Łukašenki, padčas sustrečy Alaksandr Łukašenka abmierkavaŭ z Nabiulinaj «metazhodnaść adzinaj valuty», a taksama ličbavy rubiel, reziervovyja valuty i pracu va ŭmovach sankcyjaŭ. Na sustrečy prysutničaŭ staršynia praŭleńnia Nacbanka Biełarusi Pavieł Kałaur.
Łukašenka adznačyŭ, što ŭviadzieńnie adzinaj valuty — pytańnie nie siońniašniaha dnia.
«Ja časta pryvodžu vašy, našaha staršyni cytaty na ŭzroŭni kiraŭnikoŭ dziaržaŭ, kali havorka idzie ab stvareńni adzinaj valuty i hetak dalej, što heta niaprosty praces. I, napeŭna, nie siońniašniaha dnia, jak my damovilisia z prezidentam Rasii», — skazaŭ Łukašenka na sustrečy z Nabiulinaj.
https://nashaniva.com/ru/317836