Udar pa Dniapry: zavały dahetul raźbirajuć, los jašče traich čałaviek nieviadomy
Ukrainskija ŭłady paviedamili, što ŭsiu noč na subotu na miescy trahiedyi praciahvalisia pošukavyja pracy, praciahvajucca jany i ciapier, kolkaść paciarpiełych uzrasła da 32 čałaviek.
Fota: Dnieprapiatroŭskaja abłasnaja administracyja
«Razabrali 90% zavałaŭ. Da hetaha času nieviadomy los traich čałaviek, jakija mahli być u źniščanym budynku ŭ momant «prylotu». Ratavalniki vyjavili tam frahmienty cieł. Pracujuć ekśpierty-kryminalisty», — napisaŭ kiraŭnik Dnieprapiatroŭskaj vobłaści Siarhiej Łysak.
Kiraŭnik AVA ŭdakładniŭ, što, pavodle apošnich danych, paciarpieli 32 čałavieki, 13 ź ich — da hetaha času ŭ balnicy. Piaciora — u ciažkim stanie.
26 maja rasijskija vojski nanieśli zabaronieny Ženieŭskaj kanviencyjaj rakietny ŭdar pa paliklinicy i vieterynarnaj klinicy ŭ horadzie Dniapry, u vyniku, prynamsi, dva čałavieki zahinuli, nahadvaje «Ukrainskaja praŭda».
