Dziciačamu trenieru pa futbole pakinuli prysud u sile. Chutka jaho etapujuć u kałoniju
Siońnia ŭ Minharsudzie razhladzieli apielacyjnuju skarhu palitviaźnia Aleha Švajko. Sudździa Valancina Ziańkievič pakinuła prysud bieź źmienaŭ, a skarhu — biez zadavalnieńnia.
Aleha asudzili ŭ sakaviku ŭ sudzie Maskoŭskaha rajona stalicy da dvuch hadoŭ kałonii. Jaho pryznali vinavatym pavodle č. 1 art. 342 KK za padziei 2020 hoda.
Akramia taho, sudździa vyniesła ŭ asobnuju hramadzianskuju vytvorčaść pazoŭ za «pierakryćcio daroh» na 69 tysiač rubloŭ, piša «Viasna».
Aleh pracavaŭ z žanočaj kamandaj u futbolnym kłubie «Minsk». Viadoma, što jon vykazvaŭ aktyŭnuju pazicyju nakont padziej u Biełarusi ŭ 2020 hodzie. U kancy 2021-ha trenier pakinuŭ strukturu «Minska» i pačaŭ treniravać dziaciej u inšych futbolnych škołach.
Padtrymać palitviaźnia: Turma № 4. 212011, h. Mahiloŭ, vuł. Krupskaj, 99A, Aleh Alaksandravič Švajko
