Pieršyja 20 ukrainskich piłotaŭ pačnuć navučańnie na F-16 u Brytanii
Kala 20 ukrainskich piłotaŭ pačnuć pieršy etap navučańnia na F-16 źniščalnikach u Vialikabrytanii. Jak piša «Jeŭrapiejskaja praŭda», pra heta paviedamlaje Foreign Policy sa spasyłkaj na nienazvanaha pradstaŭnika brytanskaha ŭrada.
«Heta buduć bazavyja naziemnyja treniroŭki ŭkrainskich piłotaŭ, paśla jakich jany buduć hatovyja da bolš śpiecyjalizavanaj padrychtoŭki pa kiravańni źniščalnikami F-16 (abo inšymi vajskovymi samalotami)», — skazaŭ surazmoŭca.
Ukraina spadziajecca adpravić na navučańnie tych, chto ŭžo dobra vałodaje anhlijskaj movaj, kab paskoryć praces padrychtoŭki.
Treniroŭka pa kursie NATA «Uviadzieńnie ŭ asnovy kiravańnia źniščalnikami» budzie ŭklučać trenažory i realnyja samaloty.
Na minułym tydni Vialikabrytanija abviaściła ab pačatku pracy mižnarodnaj kaalicyi krain, skiravanaj na navučańnie ŭkrainskich lotčykaŭ na źniščalnikach čaćviortaha pakaleńnia, u tym liku i F-16. U kaalicyju ŭžo ŭvachodziać Vialikabrytanija, Niderłandy, Bielhija, Danija, ZŠA i Partuhalija.
Vykonvajučy abaviazki ministra abarony Danii Traels Łund Poŭlsen zajaviŭ, što ŭkrainskija piłoty mohuć pačać treniroŭki na źniščalnikach F-16 u lipieni. Narviehija padtrymaje padrychtoŭku i navučańnie ŭkrainskich piłotaŭ i piersanału na źniščalnikach F-16.
Čytajcie taksama:
Ci čakajuć Ukrainu žachlivaj siły ŭdary z pavietra ŭsioj masaj rasijskaj avijacyi?
Jeŭrasajuz zmoža pastavić Ukrainie F-16 užo chutka — Barel
Bajden pahadziŭsia dapamahčy Ukrainie padrychtavać piłotaŭ dla F-16 — CNN