U Minsk prylacieŭ Šajhu
Ministr abarony RF Siarhiej Šajhu prybyŭ u Minsk, dzie ŭdzielniki pasiadžeńnia Savieta ministraŭ abarony krain — udzielnic Arhanizacyi Damovy ab kalektyŭnaj biaśpiecy abmiarkujuć u čaćvier rehijanalnyja vykliki i pahrozy.
Siarhiej Šajhu. Fota: AP
«Padčas pasiadžeńnia kiraŭniki abaronnych viedamstvaŭ abmiarkujuć vykliki i pahrozy vajennaj biaśpieki ŭ rehijonach kalektyŭnaj biaśpieki, pytańni ŭdaskanaleńnia sistemy kryzisnaha reahavańnia ŭ farmacie arhanizacyi, a taksama šerah pytańniaŭ, jakija ŭjaŭlajuć uzajemnuju cikavaść», — paviedamlaje TASS sa spasyłkaj na Minabarony Rasii.
U pasiadžeńni praduhledžvajecca ŭdzieł ministraŭ abarony dziaržaŭ — členaŭ ADKB, Hienieralnaha sakratara ADKB i načalnika Abjadnanaha štaba ADKB, adznačyli ŭ rasijskim vajennym viedamstvie.
