Mbape choča syści z «Pary Sien-Žermien». Kłub nie budzie brać za jaho hrošy
Forvard «PSŽ» Kilijan Mbape vyrašyŭ nie aktyvavać opcyju aŭtamatyčnaha praciahu kantrakta z paryžskim kłubam jašče na adzin siezon, paviedamlaje L'Equipe.
Kilijan Mbape staŭ najlepšym bambardziram čempijanatu śvietu — 2022. Jon zabiŭ vosiem miačoŭ, pryčym zrabiŭ chiet-tryk u finale. Fota: Natacha Pisarenko / AP
Pryčym kłub nie budzie pradavać hulca. Raniej u Mbape była mahčymaść pradoŭžyć kantrakt z «PSŽ» na siezon 2024/2025, adnak jon admoviŭsia ad hetaj mahčymaści. Hulec, tranśfierny košt jakoha składaje 180 miljonaŭ jeŭra, stanie svabodnym ahientam.
24-hadovy Kilijan zhulaŭ za «PSŽ» 41 matč va ŭsich turnirach u hetym siezonie, zabiŭšy 40 miačoŭ i zrabiŭšy dzieviać vynikovych pieradač.
Raniej Mbape aktyŭna svatali ŭ madrydski «Reał».
PSŽ, zdajecca, znajšoŭ zamienu Lijanelu Miesi
Kryšcijanu Ranałdu moža daterminova pakinuć Saudaŭskuju Araviju i viarnucca ŭ Jeŭropu
