U Biełharodskaj vobłaści ŭviedzieny režym kontrterarystyčnaj apieracyi
Jak paviedamiŭ hubiernatar rehijona Viačasłaŭ Hładkoŭ, režym KTA ŭviedzieny na terytoryi Biełharodskaj vobłaści z 22 maja, kali tudy trapili dyviersanty.
Adno z fota, na jakim, jak śćviardžajecca, budynak u nasielenym punkcie, kudy zajšli dyviersanty
Režym kontrterarystyčnaj apieracyi praduhledžvaje śpiecyjalnyja miery i časovyja abmiežavańni, pačynajučy ad pravierki dakumientaŭ, jakija paćviardžajuć asobu, i zakančvajučy prypynieńniem dziejnaści pradpryjemstvaŭ i arhanizacyj.
Raniej paviedamlałasia, što siońnia ŭranku ŭzbrojenaja hrupa pry padtrymcy jak minimum adnaho tanka i niekalkich adzinak braniatechniki zajšła na terytoryju Biełharodskaj vobłaści Rasii. Paśla karotkaha boju jana zachapiła pahraničny punkt i prajšła praź niekalki nasielenych punktaŭ u kirunku horada Hrajvarana.
Adkaznaść za padziei ŭziali na siabie lehijon «Svaboda Rasii» i Ruski dobraachvotnicki korpus. Jany zajavili, što «vyzvalili» nasieleny punkt Kazinka Biełharodskaj vobłaści ŭ metach stvareńnia na prymiežnaj rasijskaj terytoryi bufiernaj zony, kab abaranić terytoryju Ukrainy ad abstrełaŭ.
Čytajcie taksama:
Ukraincy zachapili pamiežny punkt, padyšli da horada Hrajvarana ŭ Biełharodskaj vobłaści
U HUR Ukrainy prakamientavali padziei ŭ Biełharodskaj vobłaści Rasii
Na terytoryju Biełharodskaj vobłaści zajšli dyviersanty USU — hubiernatar vobłaści
