Zialenski voźmie ŭdzieł u samicie G7 u Japonii anłajn
U Radzie nacyjanalnaj biaśpieki i abarony Ukrainy zajavili, što prezident Uładzimir Zialenski voźmie ŭdzieł u sustrečy lidaraŭ G7 u anłajn-režymie. Raniej sakratar RNBA Alaksiej Daniłaŭ namiakaŭ, što Zialenski budzie ŭ Japonii asabista.
Lidary G7 u Chirasimie: prezident Jeŭrarady Šarl Mišel, premjer Italii Džordža Miełoni, premjer Kanady Džaścin Trudo, premjer Japonii Fumia Kisida, prezident ZŠA Džo Bajden, kancler Niamieččyny Ołaf Šolc, prezident Jeŭrakamisii Ursuła fon der Lajen. Fota: Susan Walsh / AP
Pres-słužba RNBA paviedamiła, što prezident Ukrainy voźmie ŭdzieł u sustrečy lidaraŭ G7 u Japonii ŭ anłajn-režymie, piša «Ukrainskaja praŭda».
«Chto b sumniavaŭsia, što naš prezident tam (na samicie G7) nie budzie prysutničać. My ŭpeŭnienyja, što naš prezident budzie znachodzicca tam, dzie treba, u lubym punkcie śvietu, kab vyrašać pytańni ŭstojlivaści našaj krainy.
Tam buduć prymacca vielmi važnyja rašeńni, tamu mienavita fizičnaja prysutnaść našaha prezidenta absalutna važnaja dla taho, kab adstojvać mienavita našy intaresy — ahučvać vyraznyja prapanovy i vyraznuju arhumientacyju pa tych padziejach, što adbyvajucca na terytoryi našaj krainy», — kazaŭ raniej Alaksiej Daniłaŭ.
Čytajcie taksama:
Krainy G7 rychtujucca da novych sankcyj suprać Rasii — Bieły dom
