Mahutnaść druhoha błoka BiełAES pavysili da 50% u prysutnaści Hałoŭčanki i Lichačova
Mahutnaść reaktarnaj ustanoŭki druhoha enierhabłoka BiełAES pavysili da 50 %. Prymierkavanaja da hetaj padziei cyrymonija prajšła 19 maja na BiełAES z udziełam premjer-ministra Biełarusi Ramana Hałoŭčanki i hienieralnaha dyrektara dziaržkarparacyi «Rasatam» Alaksieja Lichačova, paviedamlaje Minenierha.
Fota: Minenierha
Jak prainfarmavaŭ ministr enierhietyki Viktar Karankievič, 13 maja 2023 hoda druhi enierhabłok BiełAES na ŭzroŭni mahutnaści reaktara 40% byŭ uklučany ŭ abjadnanuju enierhasistemu krainy. Za minuły čas im vypracavana bolš za 45 młn kVt-h elektraenierhii.
Kiraŭnik urada naviedaŭ błočny pult kiravańnia druhoha błoka atamnaj stancyi, dzie jamu dałažyli ab praviedzienaj pracy. U prysutnaści premjer-ministra ŭzrovień mahutnaści reaktarnaj ustanoŭki pavysili z 40 da 50 %.
U najbližejšy čas śpiecyjalisty praciahnuć paetapnaje zasvajeńnie mahutnaści reaktara błoka da 100 %. Praduhledžvajucca i adklučeńni błoka ad sietki.
Nahadajem, što ŭ minułym hodzie doŭhi čas prastojvaŭ pieršy enierhabłok AES.
Čytajcie taksama:
