Makron abviaściŭ pra stvareńnie «rejestra škody» ad rasijskaj ahresii
Prezident Francyi Emaniuel Makron na samicie Rady Jeŭropy ŭ Rejkjaviku abviaściŭ ab stvareńni Mižnarodnaha «rejestra škody», naniesienaj Ukrainie z pačatku poŭnamaštabnaha ŭvarvańnia Rasii, paviedamlaje «Jeŭrapiejskaja praŭda».
Razburany handlovy centr u Mikałajevie. Ukraincy spadziajucca, što rasijanie kampiensujuć usiu naniesienuju škodu. Fota: «Suśpilnie»
U rejestr buduć unosić infarmacyju pra škodu i patrabavańni ab kampiensacyi. Śpis budzie dastupny fizičnym i jurydyčnym asobam, a taksama ŭkrainskim uładam.
U Ministerstvie justycyi Ukrainy raniej tłumačyli, što rejestr stanie nieadjemnym składnikam miechanizmu kampiensacyi ŭronu, pryčynienaha ahresijaj RF na terytoryi Ukrainy.
Makron zaklikaŭ usie dziaržavy aktyŭna ŭdzielničać u raspracoŭcy rejestra.
Jon taksama zaklikaŭ Radu Jeŭropy dapamahčy ŭ stvareńni sta psichałahičnych centraŭ dapamohi achviaram rasijskaj ahresii.
