«Inter» staŭ pieršym finalistam Lihi čempijonaŭ
Miłanski «Inter» pieramoh «Miłan» u druhim paŭfinalnym matčy ź likam 1:0 i vyjšaŭ u finał futbolnaj Lihi čempijonaŭ.
Hoł Łaŭtara Marciniesa. Fota z sajta uefa.com
Adziny hoł u sustrečy zabiŭ arhiencinski forvard «nieradzury», čempijon śvietu Łaŭtara Marcinies (na 74-j chvilinie).
Pieršy matč tydzień tamu skončyŭsia pieramohaj «Intera» 2:0.
Supiernik «Intera» vyznačycca ŭ sieradu viečaram, kali ŭ Mančestery zhulajuć «Mančester Sici» i «Reał» (pieršy matč — 1:1).
Finał ŁČ projdzie 10 červienia (subota) u Stambule.
«Inter» trojčy vyjhravaŭ Lihu čempijonaŭ (apošni raz u 2010-m),
«Reał» — 14 razoŭ (pryčym u XXI stahodździ 6 razoŭ, u tym liku hod tamu),
«Mančester Sici» ni razu, pryčym hulaŭ u finale tolki raz: u 2021 hodzie, kali sastupiŭ «Čełsi» (0:1).
«Miłan» pieramahaŭ u Lizie čempijonaŭ siem razoŭ, ale heta ŭžo nie istotna.
Čytajcie taksama:
UEFA: Finał Lihi čempijonaŭ projdzie ŭ Stambule
U salihorskaha «Šachciora» zabrali čempijonstva 2022 hoda, a taksama 30 ačkoŭ u hetym siezonie
