Viktara Babaryku nidzie nie mohuć znajści — štab
Miescaznachodžańnie i stan Viktara Babaryki dahetul nieviadomyja. Nivodnaja z ustanoŭ sistemy Departamienta vykanańnia pakarańniaŭ MUS, uklučajučy padviedamasnyja balnicy, nie moža ŭziać na siabie adkaznaść i paćvierdzić, što Viktar znachodzicca ŭ ich, paviedamlaje telehram-kanał eks-bankira i pretendenta ŭ prezidenty.
Viktara Babaryku aryštavali razam z synam Eduardam 18 červienia 2020 hoda, kali jany vieźli ŭ CVK sabranyja podpisy. 6 lipienia 2022 hoda Viktara Babaryku asudzili na 14 hadoŭ kałonii. Sud nad jaho synam pačniecca 22 maja.
Siońnia advakaty znoŭ pajeduć u papraŭčuju kałoniju numar 1 horada Navapołack, dzie farmalna adbyvaje pakarańnie Viktar Babaryka, dla atrymańnia infarmacyi.
Svajaki praciahnuć damahacca asabistaha pryjomu ŭ načalnika Departamienta vykanańnia pakarańniaŭ MUS.
Try tydni tamu stała viadoma, što Viktar Babaryka byŭ špitalizavany ŭ balnicu ŭ noč z 24 na 25 krasavika — dalejšaje miescaznachodžańnie palitviaźnia nieviadomaje.
U piatnicu źjaviłasia infarmacyja ad pravaabaroncaŭ, što da svajho atrada ŭ navapołackaj kałonii jon nibyta ŭžo nie prypisany, a paśla — pra toje, što jaho nibyta pieraviali ŭ turemnuju balnicu pry SIZA-1 u Minsku.
Čytajcie taksama:
Viktara Babaryku mahli pieravieści ŭ balnicu minskaha SIZA — što heta kaža pra jaho zdaroŭje?
Jeŭraparłamient zaklikaŭ vyzvalić Viktara Babaryku
Były palitviazień z navapołackaj kałonii raskazaŭ, jakoha kampramisu patrabavali ad Babaryki
