Zialenski vystupić na samicie ŭ Isłandyi
Prezident Ukrainy Uładzimir Zialenski ŭ aŭtorak, 16 maja, vystupić na siesii adkryćcia IV samita Rady Jeŭropy «Abjadnanyja vakoł kaštoŭnaściaŭ», jaki pačnie pracu ŭ stalicy Isłandyi Rejkjaviku, paviedamlaje «Jeŭrapiejskaja praŭda».
Uładzimir Zialenski. Fota: Ofis prezidenta Ukrainy
Zialenski vystupić z pramovaj paśla ŭstupnaha słova premjer-ministra Isłandyi Katryn Jakabsdocir.
Taksama zapłanavanyja vystupleńni prezidenta Francyi Emanuela Makrona, kanclera Hiermanii Ołafa Šolca, premjer-ministra Vialikabrytanii Ryšy Sunaka i prezidentki Jeŭrakamisii Ursuły fon der Lajen.
Na samicie budzie prysutničać i lidarka demakratyčnych sił Biełarusi Śviatłana Cichanoŭskaja.
Samit adkryjecca ŭ 20:45 pa minskim časie. Jon budzie prachodzić 16-17 maja.
U apošnija dni Zialenski naviedaŭ Niderłandy, Francyju, Italiju i Vatykan, Niamieččynu i Brytaniju.
